والله داكتب و دموع الفرح بعيني
الحق يبقى حق و الله حق و كل البشرية الراحت ما الها ذنب و رب الكون مايرضى بالظلم بس ياريت ياخذون عبره و درس من هذا الشي هذولة اللي لي هاللحظة مستمرين بقتل هالشعب البريء و كلنه نعرف منو هم الخدم مالته اللي راح يكون عدهم يوم 5/11 هو يوم عاشوراءهم ..
بس ارد اعيد و اكول حرامات حبل ياخذ بثارنه ياريت يكون الحكم بالاعدام بايدي الشعب بدل من الشنق حتى الموت و الله جان كل واحد عرف شلون يبرد نار قلبه ...
المهم ,,,,,,,,,, الف الف مبروك للعراق اللي راح يتخلص من الشائبة الي منجسه ارضه ,, الف مبروك للارض اللي راح تتحرر من صرخات الالم كلما يندفن بيها شاب من شبابنه المظلوم و هي تصرخ و محد كادر يسويلها شي ,, الف مبروك لنساء العراق اللي فقدوا عزيزهم و انحرك قلبهم و ضاعت احلى لحظات حياتهم من غير الاب اللي يدفي البيت لوالاخ اللي يسندهم و يواسيهم و يكون اقرب الناس الهم لو الابن اللي جانت تنتظره و تداريه بمي عينها و تنتظر لحظة فرحتها بيه لو الزوج اللي اللي ضلت كل حياتها تنتظره و لما اجاها اخذه الظلم ,, الف مبروك للعراقيات اللي فقدوا ابسط حقوقهم و اللي سلب الطاغية منهم كل حياتهم من كل الجوانب و كل النواحي ,, الف الف الف مبروك

اعذورني ان اطلت عليكم لكن التهاني بهذا العيد ماتكمل شكد ماواحد يهني و شكدما يكتب و شكدما يوصف بس همين اكول الف مبروك عليكم فرحتكم