(دخيلك) للشاعر المبدع عادل محسن

[عاشق عيونك]

دخيلك
جنيت اهواي انت بعشرتي اذنوب..ولا مرّه اشتكيت الحال منك
واعدّيهن وأكًلك تصفى الكًلوب...ولا بالظَهر مرّه حجيت عنك
تِكلمني بكلام ايعذب الحال ...وابررها بجهل وبزغر سنك
انا مليت منك تغلط وياي...ولا مرّه ذنوبك حاسبنك
بعت عِشرتك كًوّه ووجهي اندار...بس بداخلي اتمنيت احضنك
اجيتك دمعي يجري وذني العيون...عساهن بالعمى ما وادعنك
ومن سألوني عنك رغم الجروح...قَسم احلى الكلام احجيت عنك
الناقلّك حجي ما ناصح وياك...ولا خايف من الله الهمس بذنك
تلكًاني يمحبوبي بالاحضان...وعني الوجه الاسمر لاتديره
بدونك اني طير وجنحي مكسور...وبدونك فرحة العاذل جبيره
وتره عيونك بدوني تفارك الشوف...وبدوني تعيش كل عمرك بحيره
تلكًاني حبيبي وخذني بيديك...ولا تسمع حجي البايع ضميره
بعد مابيه حيل ازعل اني وياك...دخيلك هاي زعلتنه الاخيره

[ام فيصل]

صح لسانك عزيزي
قصيدة جميلة بإحساس رائع
ومشاعر ألم وعتاب
دمت بهذا التألق
ودام لنا مدادك النابض

ارق التحيات -- للعاشق

[عاشق عيونك]

الف شكرا الك أم فيصل لمرورك الراقي

تحياتي

[بنت البصرة الفيحاء]

تسلم يالعاشق على اختيارك وذوقك الراقي كلمات تحمل الكثير من معاني الحب والعتب
انشاء الله تصافى الكلوب وهاي اني كتبت رد بس خطية لاتكتله
تحياتي مع باقة من الورود لاااخي العاشق

[احمد الزبيدي]

الله الله عاشت ايدك يا غالي

والله ذوقك روووووووووعه عاشت ايدك وشكرا

[عاشق عيونك]

شكرا بنت البصرة ع المرور الجميل

تحياتي