مــــــايك السوالــــف

[ام فيصل]

على فكرة
اعتقد ان اغلبكم يعرفوني
آنه ام فيصل الي سجلت بالمنتدى من سنة وشوي تقريبا
انسانة بسيطة وخجولة وعملية
احب النظام والترتيب قليلة الكلام
متزوجة وعندي 3 اولاد ( بنتين - وولد ) والولد طبعا هو فيصل وعلى وشك زواج انشالله
عمره ( 25 ) سنة

هوايتي كتابة الشعر والخواطر

سجلت بالمنتدى عن طريق الصدفة وحبيته وحبيت اعضاءه كلهم

اكثر شي أكرهه بالحياة هو الظلم وقلبي ينكسر ومااتحمل اشوف انسان مظلوم

متعتي تكون كبيرة عندما اخدم كبار السن
اعطي لكل انسان حقه وانزل حتى لمستوى الطفل واستوعبه واعرف شلون اتعامل معاه

مااحب ادلل الطفل -- وشديدة بالتعامل بخصوص التربية والإلتزام بالدين

مااحب اكرر الكلام اذا طلبت حاجة من اولادي - هيه مرة واحدة كدروا ينفذوهه زين على زين
اما اذا تكاسلوا اقضيهه بنفسي وما الح عليهم

كتومة وكثيرة التحمل والصبر -- احب الهدوء - والبحر - واكره لحظة الغروب لأنها تسبب لي الضيق
خريجة ثانوية عامة / علمي
ماكملت دراسة لظروف خاصة
وكنت شاطرة جدا بالمدرسة ومن المتفوقات واشطر اخواني وكانوا يكولون اني راح اصير دكتورة لما اكبر
كان طموحي اني ادخل كلية الصيدلة وفي وقتها كان المعدل المطلوب للقبول ( 70 )
بس مع الأسف فرقت عندي بفارق بسيط ( 69,8 )
وكانت صدمة لي طبعا
وماكملت وتزوجت

وهاي سوالفي وياكم بعد شنو تبون اكول