المشاركة الأصلية كتبت بواسطة عمار الغزي
ورمشاك.......
وحق كلبك وعينك ورمشاك
اضل طول العمر امشي وره مشاك
عليل ومرضي ورم شاك
تطيب جروحي من تمد ايدك عليه
وسر بيه.....
افرح لو شفت وجهك وسر بي
وحبك ثابت بكلبي وسر بيه
شما طال الدرب امشي وسر بي
ابعث الروح لعيونك هديه
ياسر......
بعسر حالي ابد ما اكول ياسر
وعلى اسراري اكلك بعد ياسر
اذا عمار يمه انكتل ياسر
انكلب حمزه وتعال الحك عليه
تراني.....
نحيل الجسم من بعدك تراني
واريك يوم بعيونك تراني
افكر بيك كل ساعه تراني
افكر بيك والبعد يصعد عليه
ودكلك.....
الك ما نبض كلبي ودكلك
واطحن بالحجي ناعم وادكلك
بيوم السافرت كمت ابجي ودكلك
جيتك بنص الليل يم بابك ودكلك
دكلي شوكت اتحن عليه
عاشت الايادي
رد: :| ابوذيات عراقيه رووووووعه :|
ضوابط المشاركة
رد مع اقتباس