مطارده شعريه بالدارمي .........

[محتاره]

همي حبيبي اليوم ليك ارد اكوله

كل ما اريد انساك تطلعلي لوله

مح ـتاره

[حيدر القريشي]

همك يبعد الروح صدكَني اشيله
وصدكَ ولا انساك ثق مستحيله

حيدر القريشي

[محتاره]

هذا انته هيجي تكول لا ما اصدكك

اعذرني يالمحبوب تعبني دربك

مح ـتاره

[حيدر القريشي]

كافي ولك شتريد تنغط يالغراب
تختفي وما تنشاف خليت الاحباب

حيدر القريشي

[سلام الدراجي]

بلسم دوه وينحط اسمك يبو الطيب
هذا انه ظني بيك ابدا فلا ايخيب

[بنت البصرة الفيحاء]

بغدادي وعيونه وساع حلوة و كحيلة
شلون اوصلك يهواي شنهو الوسيلة

[سلام الدراجي]

هلكد حلا حط بيك سبحانه رحمان
من ورد جنه عدن سواك انسان

[بنت البصرة الفيحاء]

نعومة وترافة وطيب
شايلها گلبك
كلهن جمعهن بيك
سبحانه ربك