هذا حبك واضح مثل الشمس
وشريد أطلب من حنانك شلتمس
وانته يلغالي حبيبي من كبل اول امس
الدنيه ضوت لي بحنانك
وياهه انه دهن ودبس
الدنيه زهت لي بوجودك
والدهر اصبح سلس
والوكت الجان محزن
اوجهه مهموم وعبس
هسه يضحك لي بوجودك
وصار بأحساسي يحس
بعد مااذرف دموعي
وبعد مااشكي الهموم
وبعد مااخنك كلامي
واحجي كله بلهمس
راح اصرخ انه حبك
وحبك تارسني ترس
راح انسى ماضي اهي
واخذ من عنده درس
يلصرت فرحة حياتي
واهسي البي ينعكس
كل سعادة وياك دنيه
وهل اجت زفة عرس
هذا حبك الصفى قمة
وكدر صار لهل الفلس
وكدر صار لهل الفلس