((سامحــــــتك))

[ام علاوي]

ياعمر الفراشه ...
البربيعينه يضيع...
مجبور العمر وياك ضيعته...

كلبي اعله العشك..
مارهم بيه مفتاح...
مفتاحك عليه شلون رهمته..

شعره البالعقل..
عتيتها امن سنين...
الجانت للعقل وياك لازمته...

معذور اليحبك...
لو كفر يهواك..
ولو حبك نبي ...هم جان كفرته

بلبل عالغصن كلبي ...
وشمرته حجار...
ومكسور الجنح...للكاع طيحته..

خليته بقفص ....
وتعرفه ياكل تين...
جاع وخبز يابس ....كمت وكلته ...

واتعلم عليك...
وكام من يطير....
يرجع للقفص ...ملهوف علمته..

و من عاشرت ذيب ...
وكالك جوعان ...
وجبه البلبل ...المسكين قدمته...

ورحت تصيد ثاني ...
بكل وكاحه عين ...
والاول بالقفص ...منصوبه فاتحته...

كفيت العتب...
ما عتبك عالصار..
وشيفيد النفخ ....بالنار حاركته!!

يا حلم الطفوله ...
الصرخ بذنه الشوك..
عاف اهل الوفه....اوصدكك من صحته..

حب رباني احبك...
مكتفي الغايات...
وشيطانك دعاني ...وما رحت شفته...

يا اول نهر ...
يحترك بالتاريخ ...
طلعت ريحته...وما يوم جذبته ...

وانته اول ضمير ...
بنص مزاد انباع...
واول حلك ...ياكل لحم خاصرته...

سامحتك رغم ...
كل الصفات البيك ...
يا أول (شمر)بالكون سامحته

مماراق لي

[امير الاحزان:]

يا حلم الطفوله ...
الصرخ بذنه الشوك..
عاف اهل الوفه....اوصدكك من صحته..
**********
تسلمين عيوني ام علاوي
وردة
نعم كلمات وردة وجميله بعد
انتقاء رائع
شكرا" لك
تقبلي تحياتي
مع فائق الود والاحترام لشخصك الغالي
اخوك الامير

[ام علاوي]

تسلملي هالطله ياامير الامراء
لاحرمت روعة طلتك البهيه
اسعدني مرورك جدا
كن بخير

[حيدر القريشي]

لم استطع ان امر من هنا
دون ان اسجل اعجابي الشديد
بروعه ورقة وجمال وعذوبة
ما انتقته اناملكم السحريه
ام علاوي ..... شكرا لكِ
والف تحيه

[امير الربيعي]

اختي الكريمه..
احرف حزينة ومشاعر صادقة
صفحتكــي الذهبية المعبرة بكلماتي تزخرفت
بمشاعركــي الصادقة وتعطرت بمزيج قلمكــي
الذهبي
لا تحرمنا من كلــ جديد ان شاء الله
تحياتي الى شخصكـ الكريم

[امير الربيعي]

اختي الكريمه..
احرف حزينة ومشاعر صادقة
صفحتكــي الذهبية المعبرة بكلماتي تزخرفت
بمشاعركــي الصادقة وتعطرت بمزيج قلمكــي
الذهبي
لا تحرمنا من كلــ جديد ان شاء الله
تحياتي الى شخصكـي الكريم

[يارا]

تسلملى غاليتى ام علاوى
كلام رائع ومبدع
وكأنها لوحة جميلة رسمتيها لنا
وفى نهايتها اجمل الصفات التسامح
لك تحياتى

[عباس الفرطوسي]

كلبي اعله العشك..
مارهم بيه مفتاح...
مفتاحك عليه شلون رهمته..

الله عليك اختي العزيزه بارك الله فيك على مانثرتيه هنا .. تحياتي