مطارده شعريه بالدارمي .........

[سلام الدراجي]

هدني التعب يفلان
والهم أكلني
من غيبتك لليوم
محد فگدني


يادنيه بس وياي دكاتج ارداف
ما همني شسوين ما عندج انصاف

وتحياتي لاختي بنت البصره

[محتاره]

فــــرفح دليلي عليك فرفح لما نـــط

مثل ام ولد غرگــان وتعاتب الشـــط

تحياتي لبنت البصرة

[سلام الدراجي]

طلبه انه عندي وياج يادنيه طلبه
ليش اليحب ياناس ايده گلبه

[بنت البصرة الفيحاء]

==============
طيفك نبض بالعين
كل ليلة ضيفي
بعيونك الحلوات
هم يمر طيفي

[بنت البصرة الفيحاء]

هاك اخذ كلشي اتريد
شتريد اخذ هاك
هوه العمر فلسين
يسوه ابلياك

[سلام الدراجي]

كلمن يكول انساك كله انت مجنون
حبك بوسط الروح خلاني مفتون

[محتاره]

نامت اگلوب الناس
بس گلبي گاعد
والضغط من فرگاك
كل ساعة صاعد
==============

[بنت البصرة الفيحاء]

==============
ناسي ونسيت الناس
بس مانسيتك
ولوغبت عن العين
بالدم لگيتك
==============