اضمك سر عليه (اهداء خــــــــــــــاص
شيسکته الجفن لو بيك من يسمع
جابوا مره اسمك وانذکر طاريك
ولو شايف عيوني بلا دمع تدمع
بجيت اعليك واكثر من بجي العين
من يوم الغبت لليوم لوتجمع
تعال وشوف حالي شلون ظليت
اعد ايام بعدك كافي عاد ارجع
يمرني الليل غبشه امعاگب الليل
ويصحي اجروح بيه اتريد دم تدمع
أسكت ياجرح وهنه الجروح اهواي
ضاكت بيه روحي وجسمي يتگطع
تهت بغياب عينك مني راح الشوف
وتشوف گلوب عميه وعيني ماتخشع
تعال اجروحي گامت تنزف اجروح
ويهد جبال صوتي وانته ماتسمع
من تواعدني بمطر وانه بحضن تموز
اصدگك ياگلب وابقى العمر ناطر
انه بكلمة مشتاك تمتلكني اجناح
وتحط بيه المنايه اعله السواتر
گلب سمجه ترة گلبي ووكتي بركان
وشيصبرالروح اتعيش باچر لون ترجع
تمنيت انه اشوفك گبل ماموت
واريدك تجيني اليوم وانة حاضر
مع تحياتي
امواج بلا شاطئ
رد مع اقتباس
