سيف العشك ... للشاعر علي الجميل

قصيده سيف العشك


سوالفك ياحبي يحن أله الحجر
جمال الروح البيك عذبني
شامات خدك يتحمرن من ترافه
صدكني من تخجل تذوبني
صوتك بلبل الحب يغرد بحبنه
فيروز اسمعه الصبح يغني
رسمت حاجبك سيف العشك
وبنضرات شوك تذبحني
دمعاتك ندى تنكط بشفاي
بحر الصيف لو عطشت دمعاتك روني
أبدونك ميت الكلب بدكات الحب
ولامره تمر الضحكه أعله سني
شجره حنانه محمله كلمات الآشواك
يتفرع بحبك الف غصن مني
يل شعرك خيوط العشك يفوح منه
ويسرح ويه الهوى بلونه ألبني
هلال رسمت عينك ألعسليات
كل ساعه لون بيه يجذبني
ياكمرة عمري واحلى سنيني عشته وياك
بس طرواك هيه تونسني
وحلامي من شافوك دنكن وخجلن
من جمالك وراحن ونسني

[محتاره]

سلمت اناملك على النقل الرائع

قصيدة جميلة صح لسان شاعرها

منوووور المنتدى بوجودك اخوية العزيز

مودتىى

[ام فيصل]

احساس بالحب جميل
وغزل رسم الجمال باجمل صورة
اختيار مميز عزيزي
شكرا لك ولجميل ماسطرت

ننتظر جديدك القادم
مع تحياتي لك

[ام علاوي]

قصيده غزليه جميله اخي
بوركت لهذا الانتقاء
ننتظر جديدك عزيزي
تحياتي