۩ ۞ ۝ اصـــــــــــــــدقــــاء فـــي الذاكــرهــ* ۝ ۩ ۞

[ام علاوي]

وعليكم السلام ورحمة الله وبركاته

صبأأأأح/مسأأأأأء الورد على عيونكم
صباح النور والسرور على عراقنا المنصور
شلونكم ان شاء الله الكل بخير

أليوم الموضوع يتكلم عن اصدقاء بذاكرة كل شخص منا

من بدايه مسيرة حياتنا نقابل اصدقاء كثيرون

نعيش معهم لسنوات وتستمر صداقتنا لهم أو يحصل الفراق لأسباب كثيرة

زعل...الانتقال لمكان اخر...غدر ...خيانة ...ومشاغل الحياة

وأسباب اخرى واسوؤها لاسامح الله الموت




ألموضوع هو

اصدقائي في ذاكرتي


يتكلم كل عضو عن الاصدقاء الذين مروا في حياته


سواء طفولة دراسة نت حياة عامة و العمر


كل يومين راح نستضيف عضو يكلمنه عن اصدقائه


والمشاركه مفتوحه امام باقي الاعضاء اذا يحبون طرح سؤال للعضو المستضيف

الله ياوردة بغداد رجعتيني عمر حلوة الفكره على الاقل الواحد يتذكر ايام العمر في دقائق

ألمحطات كالتالي::::


المحطة الاولى


اصدقائي في طفولتي


من هم ؟
والله اني مو من النوع الي اصادق هوايه يعني اصداقئي جانو يمكن 2 او 3 والقريبه منهم جانت صديقتي زينب وطبعا جانت ويايه من صف ال2 ابتدائي لحد الاعداديه وافترقنا بس بقينا جيران وحتى كمت مااشوفها وهسه بس السلام بيناتنه اذا تشاوفنه كل شهرين او اكثر

ماذا يعنون لك ؟
والله اصدقائي جانو اهم عندي من اهلي وجنه قبل نلعب بالشارع سويه بنات و ولد مو مثل هسه وحتى لعبنا جان بيه برائة الاطفال والله لصف 5 ابتدائي واحنه نلعب سويه بالشارع

هل ما زالوا معك؟
مع الاسف لا ولا واحد حتى القريبه ظل بس السلام بيني وبينها


هل تتمنى اللقاء بهم ؟
اني اشوفهم اوقات بس مو مثل قبل علاقاتنه ظل بس السلام يجمعنه مع الاسف


هل تتنى اللقاء بهم بعمرك هذا ام بعمر الطفولة؟
لا اكيد اتمنى ارجع لعمر الطفوله ونعيد هذيج الايام

هل كنت كثير الزعل معهم ؟
ابد والله عمري مزعلت من احد مجنت احب ازعل ولا احب احد يزعل مني اني مسالمه
بس جنت وكيحه هههههههه


اكو صديق معين كان مميز عن البقية؟
لا كولهم جانو عندي سواسيه بس مثل مذكرت جانت صديقتي زينب اقرب وحده بحكم الجيره جنه حايط على حايط لكن مع الاسف تالي تغيرت واجتي فتره كمنه حتى منتشاوف بيها واحنه جيران لان حبيبها خيرها بيني وبينه تصورور وهي اختارته
وتزوجو والله يسعدهم



ألمحطه الثانيه


اصدقائي ايام الدراسة



اكيد بهاي المحطة رح تسولفنة عن اصدقائك من صف الاول لحد اليوم


من هم ؟

بصف الاول مااتذكر بس من صف الثاني صادقت زينب (هسه تكولون والله خبصتنه بزينب ههههههه بس هي هاي صديقتي المقربه جانت)

ماذا يعنون لك ؟

كولهم جنت احبهم واتمنى ميخلص الدوام حتى لنرجع لبيوتنه وافاركهم وانتظر باجر بفارغ الصبر
هل ما زالوا معك ؟
للاسف لا

هل تشتاق اليهم ؟

اكيييييييييييييييد

هل غدر احدهم بك ؟

مع الاسف نعم في مرحلة الاعداديه صادقت بنيه وجنت حييييييل اعزها حتى اجيبها لبيتنه واصعدها لغرفتي وتالي باكتني

هل صادفت صديق دمر لك حياتك؟
لا مو لهالدرجه الحمدلله والشكر بس كولو صادفت اصدقاء انصدمت بيهم اي لان هاي الدنيا (ليس كل مايتمناه المرء يدركه )

هل صادفت صديق الهدف من مصاحبته لك المصلحة؟
اي صادفت بمرحلة الجامعه لكن بسرعه سحبت نفسي منها خلال اول شهر حسيت بيها وسحبت نفسي

ما هي المرحلة الاجمل بالنسبة لك مع اصدقائك؟

مرحلة الابتدائيه لبرائتها والمرحله الجامعيه لجمالها او ونستها

المحطـــة الثالثة


اصدقائي على الانترنيت


تكلم عنهم


هل هية صداقة حقيقية ام تقضية وقت مثل ما ايكولون؟
لا اكيد اكو صداقات حقيقيه الي تكون مبنيه عالصراحه والثقه

هل تتمنى ان تراهم على الطبيعة؟
اكيد اتمنى لكن مثل ماكلت ليس كل مايتمناه المرء يدركه


المحطة الرابعة


اصدقائي في حياتي


من هم اصدقائك في حياتك ؟
عندي صديقات من الجامعه لحد هسه علاقتنه قويه وبين فتره والثانيه نتخابر ونسأل عن الاحوال وانتو تعرفون مشاغل الحياة تلهي الانسان

هل تمتلك صديقا حقيقيا ؟
والله لحد هسه مااكدر اسميه صديق حقيقي
والله كريم انشالله يكون هو الصديق الي داادور عليه

ما هو اكثر شي ممكن ان تضحي به من اجل صديقك؟
اذا كان صديق حقيقي؟خلي يطلب ويشوف لان اني انسانه اقدر الصداقه والاخوه جدا

هل لديه العلم بجميع اسرارك؟

للاسف لا


المحطة الخامسة


صديــقي & حــبــيــبي


من صاحب الاهمية الاكبر لديك صديقك ام حبيبك؟
لا استطيع التخيير بينهم كل له اهمية خاصه ومكانه خاصه

لو كنت جالس مع حبيبك واتصل صديقك بك ماذا تفعل؟
اجاوب صديقي

هل تسمح لحبيبك ان يخيرك بينك وبين صديقك ؟

طبعا لا لان اذا تخليت عن صديقي اكيد راح اتخلى عن حبيبي

وماذا ستفعل لو حصل هذا

مااقبل اكيد ومااسمح لحبيبي يخيرني هيج اختيار

لو اكتشفت ان صديقك يحب حبيبك ماذا تفعل وكيف تتصرف؟

هنا الطامة الكبرى هههههههه
والله مااعرف شنو اسوي لان مماره بهيج موقف والحمدلله ههههههههههه




..................................................
ألاستضافه راح تكون مني برساله للعضو المستضيف

واتمنى ان يكون الموضوع عجبكم

واول عضو راح استضيفه


(ام علاوي)

راح تبقى ويانه لمده يومين يحقلكم بهاي اليومين ان تسألوها عن الاصدقاء الي مرو بحياتها


تحياتي للجميع

شكرا حبيبتي وردة بغداد على الموضوع الجميل والهدف الاجمل
والف شكرا للاستظافه يسعدني اني اكون اول ضيفه
تحياتي يامبدعه وبوركتي للمجهود الرائع