عتب احباب ينبع من سواجي الروح وتفيض المودّه عتاب

[أنثى شرقية]

عتب احباب

عتب احباب ينبع من سواجي الروح وتفيض المودّه عتاب

كَول شما حلالك كَول مايهضمني حافر مهرتك لو علي ذرّه تراب

صاحب حَك وبو الحكَ ماعليه منكود وماتبطل صلاته الوجهه للمحراب

ادَك الباب ونشد من كَلب ولسان مو دكّة كباره ولانشد جذاب

ادكَ الباب لهفه وكون بيك جروح الملَك وشلة سنيني وبكَايه الروح
وجبر خاطرك واحركَهه الك عطّاب

يهالتعتب وتدري بحال روحي شلون لشّه معلّكَه بكَنّارة الكَصّاب

الصاحت اخ تسمع صوتهه الشمات والسكتت مصيبه وبيهه ميت صواب

تحمّله عتب والهم عليهه عدول ماتدري الزمان شودّه بيهه وجاب

صارت جالغزاله الحوّطاهه الموت طاردهه النمر ومناحره النشّاب

وتعاتبهه اعله وصلك ونته بيهه تعيش وغيرك يالذخر مامش ذخر بصحاب

وشتفيد الليالي ملامع النجمات اذا كَوطر كَمرهه وشد رحاله وغاب
.................................................. ............................................

المرحوم جبار شدود

[سلام الدراجي]

دائما اقول وبدون مجامله كل اختياراتج رائعه وتنزل على الجرح تحياتي لك احلام وعاشت ايدج

اللة عليك يااحلام على الكلام الاكثر من رائع بشار

[أنثى شرقية]

سعيده بكل شخص مر من هنا بين سطوري المتواضعه
لكم جزيل الشكر والامتنان لمروركم الكريم
دمتم بالف خير وتحياتي لكم جميعاااا
ودوم التواصل ياربي

[رشا]

شكرااا على موضوعه روعه تقبلي تحياتي
يسلمووووووووووووووو

[أنثى شرقية]

تسلمين لمرورك الكريم
ربي يوفقك
تحياتي

[ام علاوي]

وشتفيد الليالي ملامع النجمات اذا كَوطر كَمرهه وشد رحاله وغاب
الله الله يااحلام
كلمات تحاكي الفؤاد الحزين
دمتي بهذا التألق غاليتي
لاحرمنا روعة مدادك
تحياتي

[أنثى شرقية]

تسلمين لمرورك الكريم غاليتي ام علاوي
ربي يوفقك
تحياتي