ﮔـــــدّامــك أذوب وكـلـت جـلـدي. الــنار شــمعه آنه صـرت لك نورت ليـلـك
حضنــتــك بـيـضـه وآنه مكسّر الجنــحان. واترجــآك واسهــرلك واباريـلـك
تـَنـّور وحـضــنـت الجــمر وسـط احــشـاي. مــاورّجـِت واحـد حتى يشكيـلـك
تـِطـَشرني أعله كيـفـك وآنه الملم بــيـك. مايوم الجـِـزَعت وﮔـتلـك دخـيــلـك
اصبَرِت صَبر المهفـّه الدﮔهه حرالصيف.أذب روحي ﮔشربس كون اهفيلك
ومربـّيـك بــيـن ضلوعي صار اسنيــن. تـِناغي بونـّـتي وبـصبـري اناغيـلـك
صبَـرِت صَـبر الخـِشـَب يم قسوة النجار. تفصلـني أعلى كيفـك وآنه اغنيلك
صِـرت مغـزل مسودَن بـَس يـلِف ويدور. بـچـفوفـك الوكحه وياكـُبُـرحيــلـك
واصَـوﭺ الروح ﮔـوّه وآنـه مــاغـلـطـان .واعرفـَـنـّه دغش بس قانع بچيلك
صِـرت شـبـيح بـيّـه تعلميت اتـصيد .أعله ﮔلبي تـنـيــِشن وبچـفوفي أوميلـك
طحت هسّه انته وينك ردلي ربع الدين. نسيت أﮔطعهه من زردومي واديلك
وميخالف ﮔـلـِت عنـدَك ظـرف معـذور. واقـنـّع روحي غـَصبن باچـريجيـلـك
ويـنـك هسّـه بَـربـَدنِـي الـوكِـت للڴــاع .وانـتـه ويه الوكتتـ تسابڴ بخـيلك
فاحت ريحـتـك واتـكـشـّـف المضموم .مثل ماچـنـت اشـمّـَن من ﮔـبل هـيـلـك
بالنــســبه اليــه انــتـَـهـَت هاي وياك.وره الله آنه عفـتـهـه ومـنـه يـاويـلـك


عبــاس الفـرطــوســي