حده بضعن الوفه حادي مبنده
وصفينه كلمن برايه وبنده
حجي الصدك مطشر وبنده
عشر وصلات كل وصله بثنيه
*******************
كضينه اسبوع فاتحته وفانه
شحده الكال رد حي وفانه
صار الغدر ملعبنه وفانه
الوفه عدنه انتهى من الغاضريه
********************
نخيت الصبر لجلك منتخالي
وكصدتك بير اظنك منتخالي
العذر مرفوض منك منتخالي
الاخو ما عز نفس لجل الخويه
*******************
الزمان لكل شريف اشباج ينصاب
عليه وهموم مثل السيل ينصاب
شنو حلها اذا بالراس ينصاب
عجيد اراي ويتيه القضيه
*******************