جيت اشوفك
معتني... جيتك أشوفك
ليش ... بابك أبوجهي تسده
ليش ... تكطع سر هوانه
وارجع إخلافك أشده
ليش ...حبنه بهالسهوله
ماي من أيدك تبده
انه مثل الناس تدري
انهظم عن الاوده
اشتعل نار أبوصالك
وشوكي مارايد افكده
لا تلوعني أبغرامك
وكلبي بصدودك تمرده
انه أشوفك أحله طيف
من تمر كلبي تسعده
انه من غيرك حبيبي
غصن عمره إبلايه ورده
من أمر دارك حبيبي
مو أذيه ولا هي عمده
قصدي يحبيب أشوفك
ريت أجيبه إبلايه رده
ليل جني إخلافك انه
منوصف للصبح وجده
انه تلوهني زماني
وهذا حظه وهذا وعده
منقول