يا عراق منين ما شوفك عراق .. انته نجمة صبح تضوي بكل سمه

[صوت الحق الهادر]

يا عراق منين ما شوفك عراق .. انته نجمة صبح تضوي بكل سمه

انته شمس الله التشع ليل ونهار .. اولومه انته الدنيا تصبح مظلمه

دولة لكن غدن غصبن عل جميع .. وحدك للأرض تصبح عاصمة

ذاك ماضيك شغل كل العقول .. ردت الكَـلكَـامشك وترجمه

حمل بسمك ملحمه واصبح اليوم .. طفلك الينذبح يكتب ملحمه

اجت بيك اتطوف جبهات القتال .. كَـصدتك فن الحرب تتعلمه

غيرة اترابك بنت للغيرة اساس .. والضماير بيك كلها محزمه

ما يهمك تثكَـل اتخف الجراح .. ابتوت كَـلبك عل جراح معلمه

انته اول وان سووك الأخير .. كَـوم واكَـلبها كَـلاب القائمه

بابل وآشورها وسومر وأور .. ولارسا ونينوى وعشتار وليما

وهور وجبال ومنارات ونخيل .. والكنائس والجوامع ملزمه

جنود كلها اتصير والقائد تكون .. ومو جديدة عليك تسبح بالدمه

واخبط الكاس ابمزاجك يا عراق .. واشرب الصافي عله اجتوف القمه

وشيل بغدادك عله جفوف الخلود .. اشحده لعيونك يصل يوم العمه

وافتح النهران من حله وجديد ..واسكَـي كَـيعان الكَـصه وياها الضمه

وننسف اترابك من الما بي اتراب .. واطرد الطبت عليك املثمه

وعود لم ولدك ابحضنك يا عراق .. وجوه ولدك بالفرات اموسمه

[سلام الدراجي]

اخي العزيز صوت الحق قصيده تغنت بحب الوطن شكرا لك وبارك الله بيك ورمضان مبارك عليك

انت شاعر بارك الله فيك و رمضان كريم علينا او عليك