لاكتني تشد عالراس هبريه

[الكناري يونس الجبوري]

لاكتني تشد عالراس هبريه

كلتلها بشر لو انتي حوريه

كالتلي بشر والله يبن سلطان
بنت عمك ترى آني جبوريه

كلتلها ونعم احنا نتنومس بيج
تراني كلتها لج في حسن نيه

لأن كل الجمال البالنسا مجموع
سبحان الصورج يا اجمل بنيه

صدت استحت احمرّن الوجنات
يا وجناتها التشبه الجمريه

كالتلي تفضل امشنا عالبيت
ابوي هناك تعال وياه عصريه

كلتلها اجيكم روحي خدري الشاي
ما كلتيلي شسمج انتي؟ .. سعديه؟

كالتلي السعد وجهك يوجه الخير
خل اسمي لغز وتدوخ يوميه

كلتلها بسيطه يعني متعلمين
روحي آني زعلت ماريد موليه

ابتسمتلي ابتسامه تخلص المصلوب
وكالتلي ينور العين فوزيه

احنا بهالحجي والهمر جانه يون
كالتلي يويلي جتنا دوريه

ركضت وركضتي يا ركضة التعبان
ثاريني بحلم ما شفت تاليه

حتى بالحلم معد نتهنى ليش
منو يجيبج بعد لعيوني فوزيه

لاكتني تشد عالراس هبريه
كلتلها بشر لو انتي حوريه

الكناري
يونس الجبوري
17/8/2009

[مريم جبران عودة]

هربنا من الواقع إلى عالم الأحلام

فوجدنا أن به من الأحزان ما يفوق عالم الواقع


\
\


أبدعتم أخي الفاضل

بارك الله بكم


ولا تحرمونا من جديدكم الرائع

[ام فيصل]

الله عليك يالكناري
عاشت ايدك على جمال هذه المفردات والغزل الجميل
قصيدة جدا جميلة
لاحرمنا فيض مدادك
دمت بخير عزيزي
وبانتظار جودك القادم -- تحياتي

[سلام الدراجي]

كالتلي بشر والله يبن سلطان
بنت عمك ترى آني جبوريه

والله والنعم من الجبور رائع اخي الجبوري بهذه القصيده الرائعه تقبل مروري وتحيه لك

[الغربه]

ركضت وركضتي يا ركضة التعبان
ثاريني بحلم ما شفت تاليه

حتى بالحلم معد نتهنى ليش
منو يجيبج بعد لعيوني فوزيه


هههه النحس لاحقك للحلم

الله يسعدك دايم الدوم وكل ايامك فرح
وتسلم اخي العزيز الكناري يونس الجبوري ابيات قمه فالروعه

[الكناري يونس الجبوري]

هربنا من الواقع إلى عالم الأحلام

فوجدنا أن به من الأحزان ما يفوق عالم الواقع

\
\

أبدعتم أخي الفاضل

بارك الله بكم

ولا تحرمونا من جديدكم الرائع

سعيد جدا بتواجدك اخي الكريم

لاعدمنا هالطله العذبه

عاجز عن شكرك

طال عمرك

ارق تحيه

[الكناري يونس الجبوري]

الله عليك يالكناري
عاشت ايدك على جمال هذه المفردات والغزل الجميل
قصيدة جدا جميلة
لاحرمنا فيض مدادك
دمت بخير عزيزي
وبانتظار جودك القادم -- تحياتي

ام فيصل
تسعدني اشراقتك في متصفحاتي المتواضعه وتكسبها بعضا من تألقك
شكرا لك سيدتي
ارق تحيه لسموك

[الكناري يونس الجبوري]

كالتلي بشر والله يبن سلطان
بنت عمك ترى آني جبوريه

والله والنعم من الجبور رائع اخي الجبوري بهذه القصيده الرائعه تقبل مروري وتحيه لك

سلام الدراجي

والنعم منك ومن البو دراج شلع

ماعليكم زود يالغالي

اسعدني حضورك المتميز

ايها المتميز دمت بعز

ارق تحيه لسموك