اختي احلام بالفعل هذا اخطر مرض
وهاي القصيده اهديها خصيصا الج ولجميع القراء الاعزاء:

اجلبنك يليلي وهالشعب أدمن
على الام بي سي فور وكلهه تتصفن
شنو القصه سألتهم وزعوا التمن؟!
لا كالوا مسلسل طالع النوره
أباوع عالمسلسل كلهه عريانه
من نوره الشريفه لنانه ولدانه
واباوع الخلك نحلانه خدرانه
تمشي بلا وعي صدكوني مسطوره
مصطوره صطر والحسرة في صدري
مااكدر اضمهه لن خلص صبري
الشباب تحب عرفنه شبيك يافكري؟
هدى لدرب العشك جابتك بسحوره
صور نور ومهند ترسن الشارع
وعليهه الناس توكف والله وتباوع
واريد احجي على موقف بالفكر طابع
طلك مرته فد واحد من وره الصوره
حلو هذا المسلسل كلنه متفقين
بس انه اشوفن احلى بيت الطين
بيه ذبة اهلنه البلوفهه احنه رابين
واخلاق العراقي المانكر طوره
ههههههههههههههههههههههههههههههههههههههههههههههههه
منو يرد عليه
تقبلوا ارق تحياتي