ايه روحي انباگ حلمچ ......

[أنثى شرقية]

ليش ياليلي صرت مثل السراب

تطشر احلام السنين وامنياتي

وانا احس روحي بامانيها غريبه

ومثل طير النبت ريشه وينتظر

ينتظر لحظات ويفج السمه

ويه الريح يعله , يطير حر ويبقه حر

وما يدگ الشوف للگاع ويحطـّ

ايه روحي انباگ حلمچ

وين صرتي وراحت احلامچ هدر

وصار حالچ حال ام مفجوع ابنهه

وعافت الراحه ومشت يم گبره تبچي

ومن تناشدهه الخلگ بالسكته تحچي

لاتنام الليل لاتگدر تصد بعيون اهلهه

وبيهه خجلان الوكت ويدير عينه

وما أظن تقبل سعاده بكل وضع من هالزمن

باي زمن ؟ يا بشر ؟ يا ذكريات ؟

انطيني لحظه لحظه وحده

وخل اعيد شما بقت عندي خواطر

لو بقت بالعين دمعه اليوم ابچيهه واموت

وخل اموت وشلي بروحي بلا امل

شلي بروحي بلا امل لاذكريات

وانتهت واتصير سالوفه بحلگ شامت لعين

خل اموت وهو طبع الموت عندي من اليقين

لأن ما باقيلي احد انتچي عليه واستعين

راح سـدّي وراح ذخري من سنين

آه يا عمري اللي گضيتك بس ونين

وآه يا عمري الخلص بس بالونين

تحياتي 000


للشاعر شاكر الهلالي

[عراقيه غيوره]

تسلمين غاليتي وعاشت الايادي على هذه القصيده الجميله

وكلمات الرائعه

ولكي مني جزيل الشكر

[امير الاحزان:]

ايه روحي انباگ حلمچ

وين صرتي وراحت احلامچ هدر
..........................
ان شاء الله الاحلام تتحقق جميعها
كتبت يا أحلام فأبدعت.
شكرا" لهذا الانتقاء الجميل
خالص مودتي الاخوية

[سلام الدراجي]

احلام دائما مبدعه في الاختيار عاشت ايدك وايد الشاعر الهلالي دمتي بالف خير

[الشاعر ماجد الدعمي]

شكرا للاختيار الجميل ودمتي بخير

[أنثى شرقية]

كل الهله بيكم اخواني منورين الصفحه ودوم التواصل ياربي
وربي يوفقكم جميعااا

تحياتي الكم

[حيدر القريشي]

كالعادة
ذوق رفيع المستوى
وانتقاء متميز
شكرا لكِ اخت احلام
تقبلي تحياتي وتقديري
مع اطيب الامنيات

[أنثى شرقية]

كل الهله بيكم ابوي الغالي ماجد منور والله
واخوي الطيب حيدر
مشكورين لمروركم الرائع

تحياتي الكم