الدمعة الذليلة

[أنثى شرقية]

دمعـن والدمـع لـو طــاح بسـمـار

حفـر خـدي ونـزل يضحـك علـيـه

ومن شاف الدموع بعينـي طشـار

هلـهـل شامـتـي وطــش واهـلـيـه

يفضحني الدمع وادري الدمع عار

امسحـه شلـون يطبـع بيـن اديــه

دمـع الـذل وشـم ماينمـحـي اثــار

مـثـل السـطـره تمحـيـه التحـيـه؟

رصـع يچوي لهـب يتجـادح بنـار

ورث مـاطـفـه ونــــاري ســريــه

تبخر ضيم گلبـي ومايـه هـل فـار

تــرس عيـنـي نــده ونگط اذيـــه

ظنيـتـه دوه وادريــه جـمـر حــار

وهم شايف جمر يصبـح شفيـه ؟

دواي ّشلون جمره والگلب صا ر

جـرح يـفـتگ جــرح طگن دمـيـه

الدمع مـاي وملـح ماطيـب الجـار

وجـروحـي دواهــا تعـرفـه هـيــه

دوه الدمعه الذليله سنون منشـار

يحـش العيـن يگطـع نـفـس ريــه

عيوني مـن تهـل تتكشـف اسـرار

وكـل دمعـه تخضـر جـروح مـيـه

الرمش خليته حارس عيني الدار

ســرب دمعـتـي وخــان الوصـيـه

واگف رمشـي ساهـر سيـف بتـار

بـس ياحيـف يعطـش علـى اّمـيـه

سلت نخل يحفر بزز يحفر امـرار

دمــع ودمــوم يشربـهـن سـويــه

يــنگع يرتـخـي يـلـزگ بـالاكـتـار

فــوگ عيـونـي يـتـوسـد المـنـيـه

اذا نـاطـور رمـشـي والــي غــدار

أأمـن بـيـش بجفـونـي الرخـيـه ؟

مثـل الـي يأمـن جبـنـه عــد فــار

هـــذا الـــي جـــره وصـــار بـيــه

للشاعرياسين حردان الساعدي

[حيدر القريشي]

بارك الله بك اختي الكريمه
على هذه القصيده المميزة
تقبلي تحياتي
مع اطيب الامنيات

[رونق الحياة]

بارك الله بك اختي الكريمه
على هذه القصيده المميزة

[ام فيصل]

صح لسانج عزيزتي
ولسان الشاعر ياسين الساعدي

دام لنا هذا التألق
وتحياتي لك

[المهندس علي]

قصيدة جميلة ورائعة
نشكر جهودك على طرحها
تقبلي تحياتي

[أنثى شرقية]

اسعدني مروركم وتشريفكم للموضوع دوم التواصل وشاكره لكم جميعا ربي يوفق الججميع
تحياتي لكم

[الحــر]

بارك الله بيك

قصيدة مؤثة وذات عمق

الله يسلم لنا ذوقك بالانتقاء الرائع

دمتي بكل خير

[أنثى شرقية]

اسعدني مرورك سيدنا وبارك الله بيك ربي يوفقك
تحياتي الك