ليش الدنيا تمشي وياي مكلوب

[ام علاوي]

ليش الدنيه ابد ما تمشي وياي ؟

واذا مرة مشت .. ليه تمشي مكلوب ؟

وليش ايامي سوده تخوف الليل ؟

وشمس البيه دوم بوكت الغروب ؟

وليش الحايط اللي اصعده يطيح ؟

وليش بوجهي كلهه مقفلة البوب ؟

وليش الوردة بيدي تصير سجين ؟

وليش الشمعة تطفي كبالي وتذوب ؟

خلصت روحي والله وخلص الحيل

وتفصل لكلبي من الحزن ثوب

جزع صبر الدمع من كثر ما نوح

ومني همومي تابت .. واني ما توب

اضحك ويه غيري وابجي وياي

أظل عطشان واني الاترس حبوب

بس بيه الأمل مزروع وردات

لو مو ماي تمطر .. خلي حالوب

اصبر .. لازم اصبر .. واحمل آهات

لان كدامي بعد دروب ودروب

بس وداعتك امشيهه لو موت

لأنه بحبك انجنيت فد نوب

يالعشكك أمل بيه كل الاحلام

ويالحبك صبر سواني أيوب

منقوووووووووول
تحيااااااااااااااااتي

[نسيت انساك]

الله الله تسلمين اختي ام علاوي شعر
غايه في الروعه تقبلي مروري

[سلام الدراجي]

احسنتي ام علاوي اختيار رائع بوركتي اختاه

[ام علاوي]

يسلملي مروركم الطيب ياطيبين
منوريني
دمتم بود

[حيدر القريشي]

رائعه بمعنى الكلمه من معاني
فالحب اقوى من كل شيء
واقدس واطهر واجمل وارق والطف
من كل شيئ على الوجود
راقت لي هذه القصيده الرائعه
تقبلي مروري المتواضع ام علاوي
مع اطيب الامنيات تسبقها تحياتي

[ملك الرومانسيه]

بارك الله فيك ام علاوي على هذا المجهود الرائع
وكلمات في غاية الروعه

[ام علاوي]

يسلملي مرورك الرائع .. حيدر

دمت ودامت روعة قلمك

تحياتي

[ام علاوي]

ملك...تسلملي على مرورك والذي اشبه بمرور الملوك في روعته وهيبته
الله ليحرمني من هالطله
تحياتي