معقولة انه احبك ؟؟!!!

[بلسم الروح]

أنا بحالة سكر لا تحجي بيه تلوم
صرت ما أكدر أعرف طرحي من جمعي
وسكران من أسولف مو سكر مشروب
أسكر من يمر اسمك على سمعي
وادوخن حيل واختل وانذهل واحتار
ليش آنه من اشوفك يختلف وضعي
معقولة آنه احبك ؟ ادري كلي شلون ؟
الحب لاهو ثوبي ولا هو من طبعي
ادري ارد افتهم مو دخت بالحسبات
ليش من اذكر اسمك انكع بدمعي
مامعقولة غفلة يصير هيج احساس
فاتاني القطار وكسرت شمعي
وصرت مثل المراهق بس افكر بيك
واذا مامرني طيفك الطم وانعي
وكلت يمكن جمالك سبب كل ماصار
جميل انته وبديع وهذا شي قطعي
وكلت وشكد كلت بس ماشفت تفسير
ليش الكلب فكر يخترق ضلعي
صرت مدمن اشوفك لازم بكل يوم
ويوم الما اشوفك بالمشي اتعثر
واذا ناوي تسألني اكدر بلياك
أنا بلياك والعباس ما اكدر
صرتلك آنه سبحة وانته اليه الخيط
اذن لورحت عني بدونك اتطشر
واصطك من اشوفك واجمد من الشوك
واذوبن حيل يمك من تجي معطر
واذا جفك يجسني تكضني رجفة موت
لأن جسة جفوفك تفطر المرمر
والسبب عندك سحر بس سحرك شمحلاه
بضحكتك وبكلامك للخلك تسحر
واذا ردت اوصفك راح اعجز آنه وياك
لأن بس اليوصفك بيك ماقصر
اذا اكولن جميل اظلمتك آنه بهاي
حتى من الجمال اوصافك انته اكبر
بس عيونك انته تساوي كل الكون
ومنك نظرة تسوه الكون . لا واكثر
وهسه المشكلة ماجاي اشوفك زين
من كد نور وجهك عيني ماتكدر
ادري ارد افتهم ما ادري شنهو الصار
اول مرة هيج افكاري تتبعثر
راح اسكت بعد ما احجي عندي اسباب
وعلى السكته آنه اريدن منكم اتعذر
لأن عقلي وكف والقلم ظل محتار
ولساني انخرس وكبالك اتبسمر

ومو سهلة من اسكت بيها معنى جبير
السكته وياك صدك تملي الف دفتر .................




تحياتي


منقول

[حيدر القريشي]

قصيده اكثر من رائعه
لما تحمله من مشاعر جياشه
من حبيب لحبيبته ......
انتقاء مميز وجميل ورائع
تقبلي تحياتي وتقديري
مع اطيب الامنيات

[رنا العراقية]

صرتلك آنه سبحة وانته اليه الخيط
اذن لورحت عني بدونك اتطشر





معقولة ليش مو معقولة هذا تفسيرة حب مجنون ميعقلة انسان


مشكورة على النقل الراقي



تحياتي واني بدونة مثل سبحة وية الخيط اذا راح مني اطشر


تحياتي

[سلام الدراجي]

الاخت بلسم الرائعه اليوم انا اثناء الردود ما ادري اشبيه بس ابجي ؟ ثم جائت قصيدتك الرائعه زادت الطين بله شكرا لكي ......

[بلسم الروح]

الاخ حيدر القريشي

شرفت ونورت مرورك اسعدني وعطر متصفحي

تحياتي الك

حياتي رناوي شرفتي ياغالية انشاء الله اني وياج نظل سبحة ومنطشر يخليج الية الله ياطيبة

تحياتي

استاذي العزيز (سلام الدراجي )ان شاء الله يزول عنك كل الم ليش الدموع ياطيب لو ادري هيج

تزيد دموعك فلا اكتبهه ادعيلك بالفرح والسرور استاذي العزيز

تحياتي

[امير الاحزان:]

والله اخويه سلام حكك من تبجي
ترى مو سهلة الي يتمعن بهيج كلمات ما تذرفله دمعة
احنه بغير هاي وهاي بس يرادلنه حجه
تالي اجملهه بلسم؟؟؟؟؟؟؟؟؟؟؟؟؟؟
ارحمونا الله يرحمكم

[شاعر غرام]

الله الله يابلسم قصيده رائعه وأمنياتي لك
تقبلي تحياتي ومروري متابع ماتجود به
أناملك
الخالدي

[مريم جبران عودة]

معقول احبك


\
\

من لا يحب

فلا حياة له


بلسم

اعطيته هنا كل شيء


كانت الكلمات رائعة

حاكت منا الارواح والقلوب


شكرا للنقل المميز