ابو ذيات من الشطري اهداء الى اخي توفيق

[علي الشطري]

وحق الي رفع سبعه بلاعماد
اجيكم لو تصير مفاشخ بلاعماد
شتكول الناس جياته بلاعماد
اجي عمده وشيصير يصير بيه
* * * *
من يكدر يصف وني ومنحاي
على منحه الحزن طوري ومنحاي
اشتم بهله الماتو ومنحاي
لان جابو بشر للناس اذيه
* * * *
من مثلي تعب بصباه وانهام
واون عليه ون بحزن وانهام
خلص مني العمر ونصيح وانهم
هم بصفي ماردو عليه
* * * *
الوكت وكته وعليه اليوم ولاه
واخبرننك دليلي انكسر ولاه
صفيت انه المعاشر حسره والاه
تهدني الحسره تتلكاني هيه
* * * *
همس بالروح ذكراهم ومره
وضكت من دنياي حلو اله ومره
الشطره ومن اطب شارع ومره
تطب الروح وتادي التحيه
* * * *
حلو خمري وجمالك حيل فاتن
هواي من الفرص مرني فاتن
اشيب وابقه احن اله يفاتن
واصيرله جسر تعبر عليه
* * * *

ارجو ان تنال اعجابكم وهديه الى الاخ توفيق سلامي ..ابن الشطرة

[محتاره]

وحق الي رفع سبعه بلاعماد
اجيكم لو تصير مفاشخ بلاعماد
شتكول الناس جياته بلاعماد
اجي عمده وشيصير يصير بيه

ابوذيات رووووعه

عاشت الاياااادي اخويه ويستاهل الاخ توفيق

مودتىى

[علي الشطري]

مشكوره محتاره وتسلمين مرورك اسعدنا وانت من هي روعه حياك الله

[امير الاحزان:]

عمي والله حلوات هل الابوذيات..
بس هنه اهداء للاخ توفيق..يمكن ما من حقنه نتجاوز على الهدية
لان كما يقال(الهدية لا تعطى ولا تباع)
تحياتي الك يا الغالي

[علي الشطري]

تحياتي اخي امير الاحزان تسلم لمرورك وهذا يسعدنا لكن الاخ توفيق طلب مني الابو ذيات
واهديت له هذه المجموعه بقلمي مشكور امير الاحزان

[وردة بغداد]

حاولت عدة مرات
ان ابدي اعجابي بما تكتب
طريق التألق يبتدأ بخطوة
و للوصول للنجوم يحتاج للكثير
وانت
اختصرت كل المسافات
لتصل بنا نحو ابداعاتك
لك من بهاء الحروف
ما هو الاسمى
وذلك الاحساس الكنون بك
هو اصدق للحقيقة وما يراد بها من قول
فتحية لك
ودائما اقول

انتظر جديدك

[twfeek]

الله الله روعة ياحلاوة الشطرة تسلملــي وصلت هديتك واعتقد كفيت او وفيـــــــت
حبيبي الغالي ابو حسين الورد......وكــل
الاعضاء يستاهلون هالابيات الجميلـــــــه
تعبتك اوياي....تحياتي لكل اهل الشطره
ولكل الاعضاء الذين توالو بالردود.........
احترامي للجميــــــــــــــــــــــــــــــــــــع


توفيــــــــــق

[علي الشطري]

تسلملي ورده بغداد مشكوره على الرد الجميل
كلمات ردك محفزه وكلمات راقيه ولاتقل عنك رقي
تسلمين يامبدعه