دارميات للوطن المجروح يارب تعجبكم

[مصطفى الفراتي]

يارب تعجبكم واريد رايكم

شهداء الوطن
******
كل سنه بهذااليوم يمنه تسيرون.
بعده الوطن ماطاب خافن تنشدون .
صرتوا بدربنه أشموع بالظلمه تضوون .
وعلمتوا كلهه الناس طبع الوفه شلون .
******
وصيه
كلما تمر ذكراك أرجع البيتك .
الوطن لاتنسوه جانت وصيتك .
الوطن ماننساه ولاننسه أسمنه .
لابد يجينه يوم نحقق حلمنه .
الوطن لاتنسوه يلغبتوا عنه .
بعده حزنه امجيم بديار أهلنه .
******
صمود
اصبر وشد الجروح وأنزف فلا اطيح .
حتى الوطن ليضيع وي عاصف الريح .
******
تساؤل
******
أكعد يبعد الروح شوف أ شجرالي .
مدري ابجي علبغداد مدري أعله حالي .
******
حقد
يردونك الشمات غارك بالهموم .
صدكني مرعوبين من صحوة اليوم .
لقاء بعد 25 سنه مع أمي
******
من أمي ما حسيت طعم الملاكه .
كالتلي الأمريكان صارولي ساده .
كلتلهه يمه أتهون مده أويولون .
كالتلي والعباس ماظنتي يمشون .
******
خيبه
وي أهلي ما حسيت لهفه للعناك .
حلمي وحلمهم جان مو هذا العراك .
******
شكوى
ألمن بعد أشكيه همي ومصابي .
وألي أشتكيله صار هو عذابي .
******
حيره
ريبه وكثر وهواس والحيره زادت .
بين الكلت والكال وادمنه تاهت .
******
أستغاثه
******
هذا العراق أيصيح وين النشامه .
ذلوني هاي أسنين كافي المهانه .
أنهنت ونذليت محد فزعلي .
تاليهه ناس أجناب هي الخذتني .

******
امنيه
******
يمته حزنه يزول وتزول الهموم .
ويمته كمرنه أيعود ونزفله النجوم .
م ن ق و ل

يسلموا الايادي الطيبه

[محمد ألسوداني]

صرتوا بدربنه أشموع بالظلمه تضوون .
وعلمتوا كلهه الناس طبع الوفه شلون
............
والله وصح السانك مبدع اينما وجدتك
عاشت الايادي اخويه العزيز
تقبل تحياتي وتقديري

[مصطفى الفراتي]

شكراً لكي قمر زماني على الرد
وشكراً لك اخي العزيز محمد السوداني
نور الموضوع بردودكم
تحياتي الفراتي

[حيدر القريشي]

دارميات في غايه الروعه
سلمت الانامل الذهبيه
مع تحياتي