يمــته تمـــر علي ياسلوة البيت ......بغيابك ذبلنه وركه وركه

والله اشعل الروح شموع لو جيت ....تدري انته شكثر تحرك الفركه


احرك عمري الك لو يوم رديت..... واليابس والاخضر هم احركه

خوتنه لبن ما غيره الماي .....اللبن يبقة لبن كما تطركه


ممكن تلكه بالغربه اليسليك .... ومثل لمت اخوتك لا ما تلكه

محتاجك نفس مر بيه خطار .... محتاجك بقت بالروح شهكه

اذا كلبك حجر وتحب الفراك .. انه من الشيب شعري شلون افركه

مرنه بطيف مره وشوفنه شلونه ...تنلكاك ملكه شلون ملكه

هلهوله نطك بكل الاركان .....والجفوف التعارك على الصفكه


احنه من نحب مثل المجانين ...وتدري النحبه انصيرله لزكه


الك حنت الروح ودمعة العين ... ومنو غيرك يجي ويمسحلي الدموع


اشو طول اغيابك ليش يازين .... مو انته لكلتلي مسافر اسبوع


اذا مســه المسه انطي الوجه وين ..وانته اكبالي تحجي بصوت مسموع


الشجر يذبل اذا ما يحظن الطين ...وانته منين من هالروح مشلوع


عكب عينك تصير الضحكه بالدين .... وتدري بهل زمان الدين ممنوع











والله مشتاقتلك يا اخي الغالي الداودي

مشكور اخي الزير وبارك الله فيك على هذا الوفاء الذي لا يوجد في هذا لزمن اله القليل منه

الله يحفظك ويخليك في ضل والديك

طبعن ابكيت كثيرا على هذه القصيده وقد تاثرت كثيرا

تقبل مني جزيل الشكر والتقدير