جديد الابوذيه

[وردة بغداد]

كلبي بطرف كلبك ما يهده
ويون تدري اعله شوفك ما يهده
تعال وشوف دمعه ما يهده
لون هده الوطيه تفيض بيه

يصاح اصار كلي من شفتهه
كلام الغزل يطلع من شفتهه
تمنه وصير انته منشفتهه
ويصير ملامسك صبح ومسيه

برد جرحك حبيبي حامي ليته
بحمل طعناتك انته حمليته
شجاني وبيدي نعشك حمليته
دعيت الله اتكطع كون اديه

سريت وما عرفت منين وجهاك
وعفت كلب بغيابك نار وج هاك
صحتكلك انته عني تدور وجهاك
بأذن طرشه ونطيت الظهر ليه

سهم واعله التحبه صاب ريته
وكلب مكسور عندك صبريته
يريت يعود عهد الصبا ريته
واراويك الحبيب الخان بيه

صحيفة موت حبك واقره بيهه
وعلى روس العواذل واقر بيهه
لحيتي بيضه صارت..وقر بيهه
وابنكم كام حجي يصيح اليه

انشد عن وليفي ما تعده
الي كلب بغايبه مات عده
ادعي اعليه اخافن ما تعده
وارد ادعي واكولن كون بيه

اسد زاير عليه اليوم خنزير
وصلف خنزر زماني شبيه خنزير
ركض دهري وراي بركض خنزير
وصل ظهري وغرز نيبانه بيه

رسمت الماي لطلط من قرابه
واحبه شهور اكثر من قرابه
يهيج الله ويجيني من قرابه
عليه انهي واكولن هوه ليه

افرك علخلك والمتن ما كل
وحرام الله ابدما يوم ماكل
اذا رايد ودادي ابد ماكيل
واسلمك كلب وانته احتار بيه

مما راق لي

[حيدر القريشي]

ابوذيات رائعة اخي العزيزة
سلمت اناملكي
ولكي مني ارق التحايا

[محمد السوداني]

باقه رائعه من الابوذيه بوركتي اختاه وسلمت اناملك

تقبلي تحياتي وتقديري

[امير الاحزان:]

كلبي بطرف كلبك ما يهده
ويون تدري اعله شوفك ما يهده
تعال وشوف دمعه ما يهده
لون هده الوطيه تفيض بيه
0000000000000
جميل ما راق لك عزيزتي
بانتظار جديدك يالغالية

[شاعر غرام]

تسلمين ياغاليه

كلام جميل ومعنا رائع
تقبلي تحياتي وحتراماتي
وبنتظار الجديد

[وردة بغداد]

مروركم الاجمل

منورين الصفحة

[ماءالسماء]

اذا تسمحيلي بالجواب على هذا الابوذي ....وجهاك

بقيت افتر وانه انشد وين وجهاي
وحرت يا هية اوجهة ذيج وج هاي
بعد هم الك عين تشوف وجهاي
لأنك ياترف متصير ليه

سريت وما عرفت منين وجهاك
وعفت كلب بغيابك نار وج هاك
صحتكلك انته عني تدور وجهاك
بأذن طرشه ونطيت الظهر ليه