الايـــــــــــــــــــــــــــــــــــام لاتتشابه

[أنثى شرقية]

مو بس العيون اتصب الدموع
ولا بس البشر يبچون عالمات
الورد يبچي ندى امنغصانه اذا شاف
تحت في اذبحو أجمل فراشات
واذا مات الشجر تبچي البساتين
واذا مات السفر تبچي المحطات
واذا مات الشعب يبچي الوطن نار
واذا مات الوطن تبچي الحضارات؟؟
راحة بال ماكو بنص القصور
لأن اهل القصر بموالهه ادوخ
واذا عالراحه تسأل تنوجد وين
تلگه الراحه عند السكنو بكوخ
تصح دمعة تطگ متجرح الخدود
وتصح دمعة تطگ مو دمعة صاروخ
أكو عنده شهادة وماكو أخلاق
واكو مو شيخ لكن يسوه الشيوخ ؟؟؟
واكو شاعر ابشعره يعلي بنيان
واكو شاعر يهدم شعره يا حيف
نساوي الكتب (بت البتل)اشلون
وي شاعر كتب (حچيك مطر صيف)
غلط يتساوه واحد يطرد الجاي
وي واحد يقدم روحه للضيف
وشجاب اليتركك ما يمر بيك
على واحد يمرك حتى بالطيف
هو السيف واحد فرق ما بي
لچن تلگه الفرق باليحمل السيف؟؟؟
أكو شايل السيف ويرتعش خوف
واكو ما عنده سيف امخوف السيوف
مرات التعرفه اگبالك يصير
ومتشوفه رغم يم عينك يطوف
لأن الشوف يرجع مو للعيون
للدلال يرجع صدگ الشوف
النهر ما يگدر ايغرگله أنسان
أذا ما تبصم بتغريگه الجروف
وچذب واحد يصير بعلو النجوم
أذا ماكو عليهن يصعد اچتوف
واذا الايام ظنكم نفس الايام
غلط ظنكم واكلكم فرق معروف
الأيام تفرق وانطي برهان
يا يوم اليشابه يوم الطفوف


مع تحياتي


منقوول

[سلام الدراجي]

احلام قصيده اكثر من رائعه عاشت ايدك على الاختيار دمتي بعز

[مالك الحزين]

صدقت أختي وجزاك الله خيرا
نعم لايوجد يوم يشابه يوم الطف
السلام على الحسين وعلى علي بن الحسين وعلى أولاد الحسين وعلى أصحاب الحسين
شكرا لك أختي

[الشايب العراقي]

اتمنالكم التوفيق والابداع دائما

موفقين بإذن الله ... لكم مني أجمل تحية .

تقبلو مروري

[أنثى شرقية]

اسعدني تواجدكم ومروركم الكريم والمميز دوم التواصل ياربي
ودمتم بالف خير ياربي
تحياتي للجميع