صفنة ليل { بقلمي }

[علي الغنيمه]

ابصفنه من صفنات ليلي
اتاملت وجه الكمر!!
وصورتله ابالي صوره مكونه ابوجهين
وجه يضوي النجمته
اووجه لعيون البشر
وطولت بالصفنه وعبرت الخيال
وجالت ابالي ملايين الصور !!
صوره منهن !!
بعت ثوبي ابيوم وازاني الدهر
وصوره بيهه اسمي ضايع
والفرح بيهه انتحر
وصوره منهن !!
ضربة للجلاد .. فصمتلي الظهر !!!
وصوره بيهه الهيبه ضاعت
بين آهات وكدر
وصوره لاحلام الطفوله
اشلون ذوبهه القهر
وصوره من حبيت !!!
حبيت ابجنون !!
وراهن اكليبي وخسر
وصوره منهن للحبيب الضاع بدروب السفر
وصوره للشمات خلي اشلون !!
خلاني وهجر
وصوره بيهه اندب فشلتي
ابليل جافاه السمر
جالت ابالي ملايين الصور
وانتبهت اعله الكمر وجه الصبح
شفت غابت نجمته
وضيهه انحسر
ثاري الكمر هم مسكين
مثلي !!!!!
ثاري الكمر هم مسكين يبجي بلا دمع
وهم مثل حالي شفت كلبه انكسر
والصور !!!!!
الصور طافت على اجروف السهر
ابصفنه من صفنات ليلي
اتاملت وجه الكمر ؟؟؟
***** بقلمي *****

[ام فيصل]

وصوره من حبيت !!!
حبيت ابجنون !!
وراهن اكليبي وخسر
وصوره منهن للحبيب الضاع بدروب السفر

بوح عذب ياعلي
ومميز دوما باختيار المفردة
ولاتعليق على الإحساس الرائع الذي يلامس الكلمات
ويــُنثر بين السطور
احييك
ايها المبدع -- ودام لنا هذا النبض الرائع

[محمد السوداني]

قصيدة رائعة صح السانك يامبدع

دمت بهذا الابداع والتالق

تقبل تحياتي وتقديري

[علي الغنيمه]

وصوره من حبيت !!!
حبيت ابجنون !!
وراهن اكليبي وخسر
وصوره منهن للحبيب الضاع بدروب السفر

بوح عذب ياعلي
ومميز دوما باختيار المفردة
ولاتعليق على الإحساس الرائع الذي يلامس الكلمات
ويــُنثر بين السطور
احييك
ايها المبدع -- ودام لنا هذا النبض الرائع

اي والله حبيت ابجنون بس للاسف خابت الامال كفاك الله شر خيبة الامل .. دمت بكل الود وتقبلي تحياتي ومناي شكرا لك

[علي الغنيمه]

قصيدة رائعة صح السانك يامبدع

دمت بهذا الابداع والتالق

تقبل تحياتي وتقديري

شكرا لك اخي تقبل امتناني وتحياتي وصدق مشاعري