ابوذيات على اسماء البنات ~~ تحياتي اسير الروووح ~~

[احمد الزبيدي]

بسم الله الرحمن الرحيم

اليوم جايبلكم ابوذيات خرافيه

ان شاء الله راح تعجبكم

وشكرا لكم




عجب خبزك ولك صاير حناني
وزايد على حنان الام حناني
وحك الله اليمس اصبع حناني
اوصلة الموت من اول منية
*********************

جمال الكرد عطر البيه سوزان
وذب بالبحر لعد الناس سوزان
عفة كلبي الترف من شاف سوزان
عجب ما وكع ثابت بقة بية
******************************




رب الكون من خيره ندالي
ونصيبي بليل اسمعته ندالي
ندى متصير الغيري ندى الي
من عالم الذر هية الية
*********************

الصبر نعمة من ربنة هبانة
وشمينة عطر طيب هبانة
اظنهة اجت شمعتنة هبانة
راح انطيهة روحي ابسط هدية

***************************
ليالي السعد عنج بعد فاتن
وشكلج شكل عادي موش فاتن
بس بيج التكبر صفة فاتن
احرك روحي لو هالصفة بية
واعتذر لكل وحدة اسمها فاتن

*************************

مسيت غروب كلب امي دعالي
ونه ماجيت بس كلبيج دعالي
واظل اصرخ بكل صوتي دعاء الي
واذوب المن ضخر كلبة علية
*************************

فتح بيه الصبر مو باب بيبان
وهذا السيب فوك الراس بي بان
كلبي انقفل بي بس شخص بي بان
انقفل وانفكد مفتاحة من ادية
******تــــــــــــحـــــــــــيـــــــــاتي****** *

مع تحياتي انا
~~ اســــــــــــــير الروووح ~~

[ام فيصل]

رب الكون من خيره ندالي
ونصيبي بليل اسمعته ندالي
ندى متصير الغيري ندى الي
من عالم الذر هية الية

الله عليك وعلى هذا الإبداع ياforaten.net/?foraten.net/?foraten.net/?foraten.net/?
تعودنا هذا التميز الدائم والتألق
لاحرمنا هذا المدادعزيزي
ودمت بحفظ الله

[هاشم نجم]

عجب خبزك ولك صاير حناني
وزايد على حنان الام حناني
وحك الله اليمس اصبع حناني
اوصلة الموت من اول منية

ابيات قمه في الروعه
عاشت الايادي والى مزيد
من التألق والابداع
مودتي

[محمد السوداني]

ابوذيات رائعة وجميلة عاشت الايادي اخويه العزيز

تقبل تحياتي وتقديري

[الشايب العراقي]

ابوذيااااااااااات رائعه اتمنالك الموفقيه ياررررررب