الابوذيات

[الشايب العراقي]

بحب حسين شرد اوصف وشملي
اسمه امًوسم بگلبي وشملي
بالمحشر لون شمله وشملي
انجمع واشكيله حبه شعمل بيه

**********************

بحور امحبتك يحسين ماجن
وجن ليل الولاء وغيره ماجن
عابس لوله حبك چان ماجن
مثل عابس غرامك صار بيه

******************

يبو اليمه وحگ مسلم وهاني
احبك لاتظن حبك وهاني
بالمحشر سعيد أنه وهاني
شفيعي انته يبن سيد البريه

******************

ظهري امن الغُرب يحسين حنيت
ومثل هاليوم ازورك ولله حنيت
لچن يم الكاظم اچفوفي حنيت
رغم بعُدك يبو اليمه عليه

منقول

[ام فيصل]

بارك الله فيك
وعطر الله انفاسك بهذه الكلمات الجميلة بحق سيد الشهداء

ودام لنا هذا العطاء عزيزي
تحياتي لك

[y_n_d69]

ابو سمرة
ابوذيات جميلة ورائعة واهنئك
وانشاء الله نرد عليك ببوذيات

[محمد السوداني]

بوركت اخي العزيز وسلمت يداك مجموعه رائعه من الابوذية الجميلة
تقبل تحياتي وتقديري
ودمت بهذا التألق والرقي

[الشايب العراقي]

مشكووووووريين والله يعطيكم الف عافيه