الى طالبه
الى طالبه..
*****
****
***
**
*
ماشايف مثل طولج بعد ماشــوف
وأقنـّـع عيني بيش وتقنع وترضه
ونتي اخيالج ايغازلج من تمشيــن
وبعضه ايلوم بعضه وياكل ابعضـه
كَـبلج ماجنت شاعر غزل معروف
ولامو000مادروا بيه الغرام أمضـه
وشعري البي رفض ويرددونه الناس
من خزرة عيونج يستمد...رفضــه
يلكلـّـج براءة وكلشي يلصف بيج
واتشوفج عيون الناس المْـغمـْـضه
الشارع بي صداع ايصير من تمشين
وطوله أيكَــوم يفتر..يردم ابعُـرضه
و(أبوالطيـّـب) يغض النظر جان ايكَول
بس لوشاف طولج فنـّه اذاغضـّـه
المستشفى اذا من بابهه اتمرّيّــــن
عراضه الشوفتج تتظاهر المرضه
خط أحمر00 جمالج رِسَـم فوك الكَـاع
وحظر تجوال ( خصرج )وحده ايفرضه
(الفتنه) الطائفيه 000أعيونج الحلوات
عليهه احنه اختلفنه وبعد..مانرضه
و(الامن)مايستقر وتفرضه شرطه وجيش
بس بسلاح عينج نكَـدر..انفرضه
و(الفوضه) البلبلد مو00من سياسيين
الفوضه البلبلد من شعرج ...الفوضه
وغلط (foraten.net/?foraten.net/?foraten.net/?foraten.net/?مطر) ميخلده التاريخ
لئن عن لون خدج ماكتب ومضه
كاغد ماي خدّج والهوى ايهز بي
ومن كَـد رقّـته بالهوه مايرضه
حظه بيج النده ..بخدّج طبع نيشان
جا00شتسوّي بيج اشفافي من تحظه
(عصر النهضه) داخوا بي00 ماشافوج
ونتي الشايله أبصدرج الف نهضه
يلبعينج سحر ليل الله طش الشوك
وانجومه اعله خدّج صاغهن فضـّـه
الحظ من يشوفج صدفه بين الناس
يلزم حظه بيده 0000أيطيح أبحظه
والشمس هاي الشمس من تسد باب الليل
تنزل على شعرج حته 00تتوضـــــه
قرضه امن الشمع بالظلمه نطلب نور
ونتي النور منّج يطلب القرضه
ولئن تعكس بياضج والبراءه البيج
وحّدهه ( المرايه) اتكّـوم تتشظّـــه
(بالزي)من أشوفج كلّـــي اصيرن عين
وأفض كلشي امنديّـه وخلكَـي ما فضــه
مثل الظل وراج عيوني مصلوبات
ودرْب( الجامعة ) خلّــيت بي رضّـــه
وزير البحث 00أي لازم يحط اشروط
لنظام الجامعة ..وعالمجلس ايعرضه
ويصدّر000قرار وكلهه تعمل بي
وتنصاع(العمادة ) وتعمل ابوعظـــه
طولج من يمر ..يم الاستعلامات
عميد الجامعه يوكَـف ( صنم ) لحظه
وباب الجامعه من يمّـه من تمشين
(رئيس القسم) لازم يركض ايكظّـــه
مو لجل العلم بالجامعه الطلاّب
على مودج تره الطلاّب.. مكتظـــــه
كَــراج الجامعه سنطه ويبجـّي العين
بس لمن تجينه اتصير بي ركضــه
والمحاضر بالدرس مايحفظ الموضوع
لئن ملتهي ابثغرج رايد..ايحفظـه
وبالروضه000 خبر طش راح تتعينين
وعلى مودج زلم سجّــــلت بالروضــه
منقووول
رد مع اقتباس
رد: الى طالبه
