دور وجهك فدوه عن عيني انعميت
انت وجهك موطبيعي بنوره
سولفو عنك كبل ماصدكيت
ومن شفت وجهك لكيته اسطوره
شنو بابل شنهو سومر لوحجيت
وياهوهذا الراسم الزقوره
أور من طين انبنت وانت انبنيت
من ضوه وظلك طلع حزوره
من تجي بتموز أظل ارجف عليك
تريد بجوي يريد الكه احروره
تمشي موعالكاع جنك لومشيت
الناس كلها تصيح وجهك دوره
وكلهاتلتم من تجي وجنك ثواب
المايعرفك راح جاب اكدوره
اوكف شويه اعله بختك مشتهيك
حجايه وادري بحضرتك محظوره
اطيني خدك ها ولو زحمه عليك
خل اضوكه بريجي احس مروره
وصوره خل ناخذ سوه وبعدين اموت
عالاقل وياك ماخذ صوره

هاي مو قصيدة وصف لو غزل
هاي عالم وصف وغزل ورقه وحنان وعاطفه
وتصوير شعري بالغ الروعه والجمال
روعه روعه روعه
عاشت الايادي اخويه العزيز والله كلك ذوق
واتمنى لك المزيد من التمييز
تقبل تحياتي وشكري الجزيل للمشاركة الاكثر من رائعه
وننتظر منك المزيد