ذكريات ..
غير بعض الذكريات
ضاع كلشي من هجرتي
راح كلشي من نكرتي
بقت بعض الذكريات
بقت بس الصور ما تقبل تروح
من خيالي
وبقت أثار الجروح
ما كدرت أنسى
ولا مثلما قسيتي أقسى
ما كدرت أنكر هيامي
وما كدرت أخفي غرامي
جنت أرجع للشوارع والدروب
وكل مكان اللي جمعنا بيه عبراتي تذوب
وبيها أصيح بعالي صوتي
وينج إنتي يالحبيبة ؟
والله من بعدج يا عمري
عايش بدنيا غريبة
جاوبيني
وينج إنتي ؟
إطلعي وخليني أشوفج
لا تعوفي كَلب حبج
والله ما يكَدر يعوفج
وينج إنتي ؟
جاوبيني
وإذا عندج عتب ليه عاتبيني
وحاسبيني
لو غلطت بحقج أني
ولو حسبتيني أناني
طلب واحد ليه عندج
إكتليني
إذبحيني
بس لا تخلي أحد مكاني
ما بقى شي بحياتي
ممكن يعوضني عنج
غير بعض الذكريات
حتى كَلبي التعرفينه
من بعدما رحتي مات
رد مع اقتباس
