ابوذيات مختارة

[بلسم الروح]

الكلب معلول ومايس من شفاه

وعلى خدودى الدمع جارى من شفاه

على الراح وحرم شفتى من شفاه

وكطع حتى بحلم مامر عليه






نسيت وتيهت روحى وهم بيك

وحسافة العمر خلصته وهم بيك

خويت وتيهت ناسى وهم بيك

اطلعت جذاب وهم تضحك عليه






شهد شمام شربت شكر شفتك

شهد شلزم شعوفن شكض شفتك

شهد شاهد شهدلى بيوم شفتك

ساب روحى وتركنى للاذية





الحزن لاجلك هويتة صار منى

وليالى هواى بعدك صار منى

شتريد الكلب اخذة صار منى

اخذ شتريد بس ارجع الية






جمد كلبى اعلى بابك موعجيبة

عجبتة وكلشى غيرك مو عجيبة

ترة السبع العجايب مو عجيبة

صفر وى كارثة فراكك علية





اجيت ولجل عينك شاركتلك

وعلى دموعى دليلى شاركتلك

بخت عندى واحذرك شاركتلك

اشور بيك من تبعد علية






اف من زمانى واه منة

على الى عشرتى وياه منة

اكلة الدرب هذا يكلى منة

اكلة فوت بية يرد علية






روحى والهوى ودنياى وعداى

على شلون اشيل الجدم وعداى

صابر وانتظر واشوف وعداى

ابفرح لو دوم وكتى محيط بية






الدمع نهران بخدودى كراهة

حبيبى سلب من عينى كراهة

ليش امحبتك صارت كراهة

اشبدة منىوتشمت اعداى بية



ارجو ان تنال اعجابكم

تقبلو مرورى منقول

[سلام الدراجي]

شهد شمام شربت شكر شفتك

شهد شلزم شعوفن شكض شفتك

شهد شاهد شهدلى بيوم شفتك

ساب روحى وتركنى للاذية
\\\\\\\\\\\\\\\\\\\\\
تسلمين بلسم ابوذيات رائعه
عاشت ايدك وتقبلي مروري

[رنا العراقية]

عاشت ايدج على هاي الابوذيات

وتسلمين تقبلي مرور اختك رنا

[أسامه الشاعر]

الغاليه بلسم الروح والجروح
ابوذيات رائعه وجناساتها اروع
دمتي وشكرا لجهدك
عيوني عمن يبن أمي على الراح
ابو ريج اليميزونه على الراح
مثل ماحزنت الخنسه على الراح
ثبت حبك بكلبي للمنيه

[ام فيصل]

تحياتي لك بلسم
باقة رائعة من الأبوذيات
بكلمات واحساس اروع
شكرا لك ولهذا التذوق في الإختيار
بانتظار المزيد

[محمد السوداني]

مشاركة رائعه وابوذيات جميله سلمت اناملك اخت
بلسم الروح
منورة المنتدى بتواجدك

تقبلي تحياتي وتقديري

ننتظر منك المزيد