مكتبه مخصصه بالشعر الشعبي العراقي تضم شعراء العراق الكبار ونبذه عن حياتهم

[محمد السوداني]

السلام عليكم ورحمة الله وبركاته

االاخوة والاخوت الاعزاء

اليوم تم أفتتاح مكتبة مخصصة بالشعر الشعبي العراقي
تضم شعراء العراق وسوف افتتحها بالشاعر الكبير عريان السيد خلف
واتمنى من الجميع المشاركة في هذه المكتبه لنجمع بها شعرائنا العراقيين الكرام
وتكون على هذه الصورة
1.صورة الشاعر ( أذا كانت متوفره وتحت اليد )
2. اسم الشاعر
3.نبذة عن حياة الشاعر
4. احدى قصائده

///////////////////////////////

عريان السيد خلف

عريان السيد خلف شاعر شعبي عراقي ولد في محافظة ذي قار في اربعينات القرن العشرين في قلعة سكر على ضفاف نهر الغراف بدأ نشر قصائده مطلع الستينات من القرن العشرين عمل في الصحافة العراقية وفي التلفزيون وفي الأذاعة وحصل على جوائز وشهادات منها حاصل على وسام اليرموك من جامعة اليرموك من الأردن شهادة دبلوم صحافة عضو نقابة الصحفيين العراقيين واتحاد الصحفيين العرب ومنظمة الصحافة العالمية عضو في جمعية الشعراء الشعبين العراقين له مواقف سياسية معارضة من نظام البعث رغم الضغوطات التي افرضت عليه لكنه استطاع ان يبقى في العراق في زاوية مظلمة تجنبا للمواجهة السياسية يمتلك شعبية كبيرة داخل العراق وخارجه استطاع ان يتواصل مع حركة الأدب الشعبي عن طريق طبع الدواوين او إعادة نسخ ماطبع نشر عدة قصائد ذات مغزى سياسي رافض منها قصيدة القيامة التي وصف فيها مدينة كربلاء ابان إنتفاضة الجنوب عام 1991 وقصيدة شريف الدم التي اهدها لمقام الحسين ع كما ونشر قصائد سياسية في السبعينات كشفت عن هويته الفكرية مثل قصيدة نذر وقصيدة الشاهد كتب للعديد من الفنانين العراقيين ومنهم فؤاد سالم وقحطان العطار وسعدون جابر ورياض foraten.net/?foraten.net/?foraten.net/?foraten.net/?وامل خضير وعبد فلك شكل ظاهرة شعرية مع الشاعر كاظم إسماعيل الكاطع من خلال بعض السجالات بين الشاعرين كان اخرها قصيدة ماترتاح التي جاءت رداً على قصيدة الأخير والتي عنوانها ما مرتاح يعتبر عريان السيد خلف اليوم من الرموز الثقافية الوطنية التي يعتبرها الكثير من العراقيين رمزاً للوطنية والمبدئية العالية وهو اليوم يمثل أحد اقطاب الشعر الشعبي الثلاث في العراق بالإضافة إلى مظفر النواب وكاظم إسماعيل الكاطع . اصدر أكثر من ستة مجاميع شعرية منها الكمر والديرة. كبل ليله. أوراق ومواسم. شفاعات الوجد.بالإشتراك مع الشاعرين مظفر النواب وكاظم إسماعيل الكاطع صياد الهموم. تل الورد. وكتب الشعر بنوعيه الشعبي والفصحى.

<<<<<من قصائده

عاذرك

كاسرت عمري اعله عمرك

كطعت ليش . . وحِـركتك

جويه مني وجويه منّك

ونتشيت . . استاهلك . . شهكة عوافي

وخيّبت ظني . . وصدك ويّاي ظنك

ماكلت عنك . . عرك جفّك ابجفّي

ولا كلت جاسك زعل . .

واشتعل دمي ابنار دمّك

أصعر . . وتستسهل . . اتشاغل خيالي

وياخذك غيّك . . خرز خلخال . . تِـطّــشّـر وألمّك

ومدري ليش . . أتمايزك وردة اكرنفل
اِتّيه روحي ابريحتك . .
واحتار من ياصفحه اشمّك
أختلي ابحسنك . . وافج كلبي واطلعك
تلعب ابعمري . . وخاف الغير يندلّـك وأضمّك
خاف تاخذني . . اعله بستانك فرحِتي . .
وخاف تكبر حيرتي . .
وحسنك يغرّك
خاف تِطشّر ولك . . وشلون المّك ! ؟
كالو : ايحبك ! !
كلت من شاف كلبه ؟
وجبّست دمعي . .
وسكن نبض الكلب . .
عن لا يذمّك
تِرسْ جفّي . . اسوالفك وحده اعله وحده
وعرك جيدك زمزمي . .
وخجلان تتعذّر !
واكلّك : لايهمّك
من تجِسني اشفايفك
تاخذني غيبه !
ومن تِرِشْني ابمزنِتَك . . ولهان افز . .
لن روحي يمّك ؟
اختلي ابحسنك . . وأفج كلبي واطلعك
تلعب ابعمري . . وخاف الغير يندلّك وأضمّك
وخاف تطّشّر خرز . .
وشلون المّك ؟
اشجان ضرّك . .
تختصر بعدك عليه ؟
وكلّي شكرات وحمد
للمختصر . . حسنك ابخصرك
تشرب معافي . . حناني ولهفتي
وتسكر ابدمي . .
وتنتشي ابغيّ الشذى . .
وتتعزّل اعزال من اجرّك
من جمعني وياك ؟
من شدني . . ويه طولك . .
طعّمك بيّه
وصرت حلوك ومرّك
لنها ما بالغبشه . . غبشه . . ابغير عينك
خاف اترزبيك .. حد كطع النفس
وازهك واضرك !
خاف تطشر خرز ..
وشلون المك ؟
ومن كبل .. كل شوكه عمري من الطوارف
حسبت مثل الوداد .. الفات ودك
من كبل .. وآنه الورع كحل اجفوني
وجنت اظن :
وكت التهد بيه روحي اهدك ..
لني كلما فززن صبري الليالي ..
وخان وكتي
اتوسلك .. هدوة كت خليني عندك
اوعاذرك .. لو هدل عودك ..
من كدر يحمل حسن مثلك وكدك ؟
غاذرك تغلط ابحكي ..
وتبخل ابظلك على النايم ابسدك
عاذرك تغتاض ..
بس من غير شاره ..
وشارتك هالبينت
ودخيل جدك
عاذرك .. عن لايهم كلبك ابهمي
وتنترس عينك دمع

وتنترس عينك دمع

ننتظر تفاعلكم

تحياتي وتقديري