دعوة لمبادرة المصالحة الفراتية بين حزب المشاغب وحزب العجايز

[mjaduo]

السلام عليكم ورحمةالله وبركاته
يسعدني ويشرفني بان اطلق مبادرة لاحتواء الازمة بين حزبنا (المشاغب)وحزب العجايز ولذلك لاننا اسرا واحدة هدفنا وسعينا للمحافظة على منتدانا الغالي ولنجعل الجروح القديمة تلتام بالحب والرضى وليساعد بعضنا البعض الاخر لنخرج بمحصلة نهايتها السعادة والافادة لذا دعونا نتصافح دعونا نتشارك خدمتا للصالح العام وانتم على يقين بان هذا المنتدى عالمي اي يتردد عليه الاعضاء والضيوف من كل صوبا ودوب
لكن هناك شروط توجبت على العجايز تحقيقها ومنها
1 الاستغناء على ثلثي المنتدى لصالحنا لاننا الاجدر به
2 الغاء حزب العجايز واي تكتل نسوي منعا لحدوث مشاكل ونحن في غنا عنها
3 عدم ذكر اسم بصراوي مشاغب الا وتحت العناوين تلك (الزعيم ؛الولهان؛ابن الفرات البار؛الفارس؛الملهم)
4 تقديم حلوم وعراقيووو الاعتذار الى كل ابناء الفرات بعتبارهن اساس فتنة المنتدى
5 يتوجب على سومة ترك كرد خانقين واحداث فجوة عميقة بينهما وذلك خشيا مني شخصيا من تطور علاقتهم في المستقبل
6 في حالة عدم تطبق الشروط اعلاه فالحرب مقبلتا لامحال منها والنصر لنا

اتمنى من العجايز التفكير بهدوء وعدم التسرع والعصبية لكي لاتلوم لومة لائم
وشكرا

[الحالمه]

هلا مخطاطه , شوف اني أول ما شفت العنوان تأملت خير
وكلت هذا مخطاطه أكيد رجعله عقله وعرف انه بدونا ما يسوون شي .

بس من شفت شروطك , عرفت انه انت متتغير وحقدك عالبنوتات
ولانك كتعقد من وجودهن الي هو شمعة المنتدى وبدونهن يكون أظلم .
ورداً على شروطك ..

1 الاستغناء على ثلثي المنتدى لصالحنا لاننا الاجدر به

روح أشمر بعيد .

2 الغاء حزب العجايز واي تكتل نسوي منعا لحدوث مشاكل ونحن في غنا عنها

حزبنا راح يضل على عناد العذال.

3 عدم ذكر اسم بصراوي مشاغب الا وتحت العناوين تلك (الزعيم ؛الولهان؛ابن الفرات البار؛الفارس؛الملهم)

هههههههههههه , صدك نكته هذه الاسماء انت تقيدوا بيها
احنا النا مصطلحاتنا الخاصة ومنها ,
مشاغبوو , مصدوموو , رئيس الحزب الفاشي , ابو جويسم وزوجته ام جويسم
الي عرضنا صورتها قبل وفضحناهم بالمنتدى , ابو كرش , واخيرا
جفجير معووج , وغصبا على اليعجبه وما يعجبه يطخ راسه بالحايط .

4 تقديم حلوم وعراقيووو الاعتذار الى كل ابناء الفرات بعتبارهن اساس فتنة المنتدى

هيهات منا الذلة .

5 يتوجب على سومة ترك كرد خانقين واحداث فجوة عميقة بينهما وذلك خشيا مني شخصيا من تطور علاقتهم في المستقبل

احنا كلنا ايد وحدة , وسومه ونارين ما يتركون بعض
لان احنا مثل الجسد الواحد , اذا اشتكى منه عضو , تداعى له سائر الاعضاء بالسهر والحمى.

6 في حالة عدم تطبق الشروط اعلاه فالحرب مقبلتا لامحال منها والنصر لنا

مو كنالك بطل تشوف افلام هندية . شكد متأثر بيها انت .


وهذا جوابنا والحرب نتائجها دائما لصالحنا , لاننا مع الحق ومع كل كلمة صدق ووفاء وطيبة
في هذا المنتدى ...

والميعجبه يروح للمريخ

[kurd_khanaqin]

مخطاطه
اني ابد مارح اتروك سومه..ولا اترك وحده من الحزب مالتي لو شي صير...
مثل ماقالت الحالمه..
.. احنا مثل الجسد الواحد ...

[عراقي أصيل]

ها سالمين ماجدووو عبالي صارت خيانة
بس عفية عليك خوش شروط أنت المفروض منك تغير أسم الحزب
من حزب العجايز إلى حزب أدوات المطبخ
لأن وحدة اسمها طاوة محروكة ووحدة اسمها جداحة ووحدة صينية
ووحدة خاشوكة هع هع هع هع هع هع هع هع
عمي لا تعقد وياهن صلح ولا ابد
وما طول أندكو بينا خلي أشوفهم منو حزب المشاغب
أشو من هسة محظر صور كل وحدة والصورة والرمزية مال
أسمها خاشوكة وصينية وجداحة
عيني
يا رئيسة حزب ادوات المطبخ راح تشوفون
الي ما شايفينة وخصوصا صينية
وجداااااااااااااحة
أذا ما أموتهم من الجوع بالسجن بسيطة
عيني ماجدو خليهن على راحتهن وما طول أنا أنظميت للحزب
ألك بطن وأخرب ضحك على الصور الشخصية النادرة والحصرية
بس لعيون الزعيم
ولتكن حرب نحن لها
هع هع هع هع هع هع هع
حرب لا خسارة فيها مع حزب أدوات المطبخ




عراقي أصيل

[mjaduo]

السلام على ابناء المشاغب وبعد
اخواني الاعزاء ان الغاية المرجية من هذا المصالحة ليس التقرب الى الافاعي بل لاكد لك مدا الهمجية والعنجهية المتمثلة بالعجايز
اخواني كلكم على يقين بقوتنا واستعدادنا للتضحية في غمار المعارك فنحن كما وصفنا القائد الانكليزي المشهور منتيكمري بمقولته الشهيرة( انتصرت على اكثر القوى تعقيدا هم الالمان لكن معا هذا اخشى على نفسي من جماعة المشاغب) وكما غنى لنا شعبان عبد الرحيم شعبولة( لو انت تهرب وتكَري اكيد وراك المشاغب ايييييييييه ) والكثير والكثير من المشاهير غنوا لنا وتوسموا خيرا بنا وعلى اخر الزمن تجي شلة ضالة تتحدانا ( ياكَاع انشكَي وبلعيني) اخواني انا اكلمكم ومليئ الثقة بحزبنا ابتداءا من الزعيم (بصراوي مشاغب)الى جميع مقاتلين حزبنا واخر مقاتل انضم لنا هو عراقي اصيل الملقب ب القناص والذي يعد الماكنة المتحركة في حزب المشاغب والذي توسمنا به الشجاعة والاصرار على كبح جماح العجايز من هذا المنتدى الغالي
واسمحولي بالتعقيب عما جاء من قبل بعض العجايز اللواتي ارتضن لنفسهن التورط في مستنقع المشاغب

روح أشمر بعيد .

مصطلح مال خلفة بناء

حزبنا راح يضل على عناد العذال.

اغنية للمرحومة التي على قيد الحياة شحرورة

هيهات منا الذلة .

لعد منا

احنا كلنا ايد وحدة , وسومه ونارين ما يتركون بعض

تالي الليل اسمع حس العياط

مخطاطه
اني ابد مارح اتروك سومه..ولا اترك وحده من الحزب مالتي لو شي صير...
مثل ماقالت الحالمه..
.. احنا مثل الجسد الواحد ...

ايباه كول فعل جداحة اليدري يدر لتخلينة اكَلج سومة شنو حجت عليج وتكَول نارين متعرف اتمشط اللهم لتجعلها غيبة

عيني ماجدو خليهن على راحتهن وما طول أنا أنظميت للحزب
ألك بطن وأخرب ضحك على الصور الشخصية النادرة والحصرية

مليون هلا بالبطل اريدك تراويهن نجوم الظهر يا اصيل واريد منك صور عليهن