اقتباس المشاركة الأصلية كتبت بواسطة وفاء سلطان مشاهدة المشاركة
محاوره بين

(النار_الباب_البسمار)
النار في الحشر جن تستغيث
تطلب التوبه اوعذرهه امن الكرم
تخجل ادنك حياء ابلامحال
من حرك ذاك المخيم بالحرم
تذكر اباب النبوه اول خراب
اوتوصف الذنبين كد كبر الهرم
تحجي بذنوب العليهه ابلاسؤال
اوتعتب اعله الباب جـي زاد اوجرم
***************
الباب
____
سيدة اهل الشفاعه ابلاقياس
عدنه ام حسين وي امصابهه
تغفر اذنوب العلينه امن الاساس
اوتطلب الله امن الشفاعه البابهه
صح جرمنه اوهاالجرم اصل العذاب
بس احس بسماري جار اوعابهه
*****************
البسمار
______
زهراء النبوه اوضلع من الكون
يالكلج امان اومنبع الدينج
ياراية محمد غايته الاسلام
رفت من عروج المصطفي الحينج
ياسر الحروف اوربج اليوفيج
ياكوثر عذب للوادم ايدينج
معذور ابغرامج والعذر ماطاب
ماقاصد اذيتج لاوحك عينج
مجنون اولمحتج لايذه ابطرواي
انه ابلاراي روحي الايذه ابدينج
ماصدكت روحي اوعقلي شت اهنا
خذت منج شفاعه ابلوعة اسنينج
تايب والذنب ذنب اليجن مغفور

اثاريني ابضلوعج خاتم اونينج

مبدعه ياوفاء تعرفين كيف تجعلين القلم ينطق باحساس مرهف لك الود واصدق مشاعري