قصيدة ((تعبان)) المقطع الأول

[الشاعر سلام الشويلي]

قصيدة (((((تعبان)))))

تعبني الزمان سنين مااذكر لويته ومره تعبته
اهو الغالب وانا المغلوب حظي وياه جربته
ويهز بيه مثل هزت عجاج الريح بالنبته
يدهري اصحه ولك كافي اهو حد الصبر لاوين كلي وينتهي ولمته
مشيت وياك كل سجه ورضيت وياك على مامش
لون خرسه تراها الروح صدك ملت السكته
ولون كلمن صبح مثلي زمانه وياه بالمكلوب
عاف الديره والخوان يهجر يكفر بوكته
صفيت بروح تعبانه وكلب خلصان
مايحمل بعد دكتـــــــــــه
سواها الزمان وياي مثل العاف عنبه وراد بس سلته
وصيح بصوت مثل ضايكَه الموت
لا عنب الأريده ولا بعد سله
عساها بحض زماني اصير وبخته
ولون الموت ياروحي يجيج اليوم
جا سوى عليج احسان صدكي ويوفي بوكته
اهو عمري وما اريده ايطول
موش من الخلكَ بكَـــــــــته
عمر البيه حزن وي ظيم
شلي بطولته وظلـــــته
عمر الماعرف يرتاح
محسوبه بألف سنته
صرت مثل اليتيم امه وابوه يرحون
عود ...عود ايحن عليه لــــو ..لو راد رجل أختــــه
وريد امشي على كَول الكَال دهرك يا بشر يومين
يوم ايمر عليك بظيم يوم بخير من تصبر يجيك انته
وينك يا علي الكرار يوم الخير لا مرني ولا شفته
واذا يونس بلعته الحوته اظن يونس اخف واهون سلام الدنيه بالعته




الشاعر
سلام الشويلي
009647801081200

[عتابي]

كاتبلك رسالــه ما ردتـها
وروحـي بضيـم هجـرك مردتـه
انه انطيتـك اعيونــي وما ردتـها
شنطيـك الگلّب وترد عليــه


شكراً لك استاذنا على ما كتبته
تقبل مني اجمل التحيات

[ام فيصل]

الحزن مملكة لها حصونها
قد تبقى مقاومة لموجة الأمل
فلم لاتجعل هذه الموجة تجتاحها
لم كل هذا التشاؤم ؟؟؟
استاذي العزيز
تعلمنا ان مابعد دروب الظلام
هناك نورٌ اسمه الأمل
ليتك تسمح له بالعبور اليك
كنت هنا عزيزي
أتأمل نبضك الراقي
عـذرا لبعثرتي
تحياتي لك واكثر

[مصطفى المالكي]

استاذي العزيز

جميل جدا ما خطت اناملك هنا
رغم ما تحملة قصيدتكمن حزن والم
استمر فنحن لك متابعون

تحياتي

العراقي

الله الله على الكلمات المعبرة بصراحة كلماتك هزت المشاعر وبلا وعي حسيت دموعي تنزل يعطيك العافية

[ابن الوسط]

تسلم على القصيده الرائعه وتحياتي لحضرتك
على الابداع
تقبل مروري
تحياتي

[سهر]