تشكيل لجنة مكافحة

[عراقي هواي وميزة فينا الهوى]

سم الله الرحمن الرحيم

دوما وفي كل الدول ان تشكيل اللجان هو ناتج عصارة افكار وخطط الوزارات والهيئات الحاكمة والمسيرة لامور الدولة لما فيه خدمة المواطن
ولله الحمد
نسمع ونشاهد اكثر من تشكيل لجنة او لجان
ومن كافة الموديلات منها
الكير العادي ومنها الكير الاوتو ماتيك
ومنها من تتسم بالشفافية والنزاهة الخمطية

ومنها من تلبس قبوط اللغف والخمط
ومنها
مكرودة بس بالاسم لجنة
لاتحل ولا تربط
حديدة عن الشيطان
اليوم اطلعت على خبر مفادة

تشكيل لجنة مكافحة \ \ \ \ \ \ \
وقد استبشرت خيرا لكلمة مكافحة
مثلما انتم الان استبشرتم قطعا بالخبر
لكن هل تعلمون ماذا
تكافح هذه اللجنة
اسمعوا واعوا
http://al-iraqnews.net/new/local/12343.html
تشكيل لجنة مكافحة الكلاب السائبة في مدينة الناصرية
عجيب غريب
الكلاب صارتله لجنة لقتلها ومكافحتها
بس اشلون يردون يصرفون افلوس
اجتماعات وعزائم وولائم وروح وتعال
ويختارون اشلون الطريقة الي تقتل بيها الكلاب
ويجيبون مستشرق يشرحلهم طريقة جديدة
ويستوردون
اطلاقات كلابية خاصة
ويعقدون مؤتمر صحفي لشرح ابعاد الحملة الكلابية
ويوزعون
صور للكلاب المطلوبة في السيطرات
ويطلبون من المختار تزويدهم باسماء اصحاب الكلاب السائبة
وكثرة الواووووووووت
وكل واو
تدرون اشكد سعر يكلف الدولة
خلوه سكته
ليروح يشكلون لجنة لمعرفة كيفية التخلص من الطرق المشروعة لكشفهم
وكشف سرقاتهم
خلصت كل امور الانسان
وبقت بس لجنة مكافحة ال \ \ \ \ \
تقبلوا تحياتي

[اسدالعراقي]

شكرا اخي العزيز ابو الغيث الورد
على الاخبار المميزة
عاشت الايادي ياورد
لعد شلون يكون الخمط اخوية هذا فن بحد ذاته
لعد مدكلي الي كان يسوه بالخارج طول هاي السنين شنو
كانوا يتدربون على الطرق الي بيهة يخمطون ومحد يكول الهم شدسون
ما انكول غير حسبنا الله ونعم الوكيل
اخوية لو كان هذا الخبر بعد ان تكون الحكومة قد وفرت جميع متطلبات الراحة
والعيش الكريم للمواطن العراقي فانه خبر جميل ولابد من مكافحة ال....
لانها مثل مانعرف تسبب الكثير من الامراض
وتحياتي

عجيب امرك ياعراق هسه طلعو بمكافحة الكلاب حت الكلاب ماسلمت من شرهم يريدون يسرقون باسم الكلاب والشعب محتاج محتاج سكن محتاج خدمات محتاج يرتاح الى متى يسرقون دم العراقيين

[محمد السوداني]

عجيب غريب
الكلاب صارتله لجنة لقتلها ومكافحتها
بس اشلون يردون يصرفون افلوس
اجتماعات وعزائم وولائم وروح وتعال
ويختارون اشلون الطريقة الي تقتل بيها الكلاب
ويجيبون مستشرق يشرحلهم طريقة جديدة
ويستوردون
اطلاقات كلابية خاصة
ويعقدون مؤتمر صحفي لشرح ابعاد الحملة الكلابية
ويوزعون
صور للكلاب المطلوبة في السيطرات
ويطلبون من المختار تزويدهم باسماء اصحاب الكلاب السائبة
وكثرة الواووووووووت
وكل واو
تدرون اشكد سعر يكلف الدولة
خلوه سكته

شر البلية مايضحك
الاخ ابو الغيث رائعة حد الذهول >>>طريقتك الفكاهيه التي أطربتني وانا استقبل هذه>>> المصيبة !!!
وهذا التطور في كيفية قولبة سرقات اموال الشعب
>> صدمت ورب الكعبه<<

تقبل تحياتي وشكري الجزيل لهذا النقد اللاذع والمييز

[6erqa3h]

اخي ابو الغيث
الا تريد ان تكون للكلاب حصه في خمط الاموال ...
لا تستغرب .. بعد كم يوم ستكون هناك لجنه لمكافحة الفئران ولجنه لمكافحة البعوض ولجنه لمكافحة اللجان التي شُكلت قبلها واخيراً لجنه لمكافحة المدونين على الانترنيت .. امثالك وامثال طركاعه وابو كاطع ومن لف لفهم لمنع تسريب معلومات اللجان الخامطه الى الشعب ... والثعلب فات فات وبذيله سبع لفات .. تدري ليش ..؟ لأن ماكو كلب يركض ورا الثعلب فراح ياخذ راحته ويلف السبع اللفات ...
تقبل مروري مع خالص الود .

[وردة بغداد]

لا عفية شنو هلخبر هذا اول مرة اسمع بي بس حيل قهرتني

شعليها هاي الحيوانات المسكينة ماشية بدربها لا يمهم ولا عليهم يعني حتى بلحيوان هم يتحارشون