قصيده عيون ابو النهرين

[سلام الدراجي]

(عيون أبو النهرين)

ستة أسنين مرت والفرح مذبوح

بس دم ودمع بغداد مگلوبه

من كل زيج جونه اوشايلين الموت

أشباه الرجال اوجوه مچلوبه

معروفه الدعارة وشاليه بزود

ومن لندن اجونه أرجال (؟؟؟ وبه )

دمروه للبلد أحفاد ابن كسرى

وخيراته أصبحت لأخوات (؟؟؟وبه)

چأن الوطن فوهة يحامي للجيران

وجازونه بعكس عبوات منصوبة

جيشك ياعراق أتخاف منه ألگأع

ساتر للعرب حماي العروبة

تشهد ألنه سينا وتشهد الجولان

وابن دايان يشهد عينه مسلوبة

وينك ياعلي وينك يداحي الباب

أحسين الوطن والرأس منهوبة

بغداد الفرح ليش الفرح حزنان

من شاف الشمس بغداد محجوبة

محجوبة عجب والنور چأن أيشع

من حمرابي سلته العلم مسكوبة

تفرج ياوطن بالفاله وألمگوار

وكل دم اللي طاح أيعده حاسوبه

ستة أسنين مرت چنه 6 ألاف

تاريخ العراق أمجاده مضروبة

قبله أنت ألچنت وكعبه للعشاق

ومنارة للعلم بغداد محبوبة

ابن وقاص بالعز حرر النهرين

وطفه نار المجوس بسيف مثلوبه

وبعد ألف وربع نار المجوس أتعود

ونشوف الرصافي جثته مصلوبه

باگوه للرشيد ومن وسط بغداد

وألباگه يهودي بأيد مندوبه

والمنصور يبچي أيصيح ياستار

لإيران اصبحت بغداد محسوبة

دولاب الزمان ولا تظن أيدوم

والدامت ألك ينتظر طالوبه

لابد يوم نصر الله يأتينا

والفتح أليچي آياته مكتوبة

ونشوف الفرح بعيون أبو النهرين

وبالعز والمحبة أتنور دروبه

الشاعر

سلام الدراجي

[ام فيصل]

جيشك ياعراق أتخاف منه ألگأع
ساتر للعرب حماي العروبة
تشهد ألنه سينا وتشهد الجولان
وابن دايان يشهد عينه مسلوبة
وينك ياعلي وينك يداحي الباب
أحسين الوطن والرأس منهوبة

الله ياهالوطن شمسوي بينه الله
كلما يمر بيك الحزن نصرخ نكول أحــاه

ابو حيدر ضاعت الكلمات مني ولا ادري مااسطر
وقد ابكيت القلب قبل العين -- العراق باقي وسيعود سيد الأوطان بإذن الله
بوجودكم انتم ايها الشرفاء
فلا تنعوه ارجوكم --- بل ادفعوه الى الأمام بصبركم وشهامتكم
ابو حيدر
عاشت ايدك وصح لسانك عيوني على كلمة خرجت من قلبك واحساسك الوطني
الف شكر لك ولاحرمنا عطاءك يامعلمي

تسلم حبيبي على القصيده الرائعه
واتمنى ان تقبل مروري
{حبــــيبي انـــــت}

[محمد السوداني]

دمروه للبلد أحفاد ابن كسرى
وخيراته أصبحت لأخوات (؟؟؟وبه)
چأن الوطن فوهة يحامي للجيران
وجازونه بعكس عبوات منصوبة
جيشك ياعراق أتخاف منه ألگأع
ساتر للعرب حماي العروبة
تشهد ألنه سينا وتشهد الجولان
وابن دايان يشهد عينه مسلوبة
وينك ياعلي وينك يداحي الباب
أحسين الوطن والرأس منهوبة

اقتبست الزمرد من فيض اللؤلؤ
فاسمح لي.
الاخ العزيز سلام الدراجي
صح السانك وعاشت ايدك
مبدع انت من الهام وحتى اخمس قدميك
قطعة موسيقية تطرب الضمير
حرفك+ وكلماتك+ ومعانيها =
جيش من الأبداع المتدفق من حس وطني كالسيف يشطر الخيانة من بلدي بضربة واحدة ولا يثني
تقبل تحياتي وجل تقديري

[سلام الدراجي]

الاخت ام فيصل اعتز كثيرا بردك الجميل اللهم لا يبكي لك قلب ولا عين شكرا جزيلا وبارك الله بك اختي العزيزه

[سلام الدراجي]

حبيبي انت مرورك على الراس تسلم للكلام العذب تحيه لك اخي العزيز

[سلام الدراجي]

جاء دورك للرد ياابو جاسم
انت المبدع وصح السانك انت اخي العزيز لهذا الرد الرائع بارك الله بك والف شكر

الاخ سلام الدراجي
شكرا للقصيده الجميله ويستاهل والله وطنه