حلو وغار عليك

[ابن الوسط]

من كد ما حلو مني اغار عليك

وشحدي من اكرب واوصل لحدك

حدك مو سهل سور وعليه حراس

ما احسدك ملك من احسد بعبدك

احسدك يلعبد جي شافك بكل عين

وكل عين التشوفك تصبح بكدك

معروف الخيال ويه الشمس ينشاف

واجه الليل وخيالك واكف بسدك

ما يقبل يعوفك دك رجل علكاع

من كلناله وخر جلب بزندك

اذا هذا الخيال وما يهد يمناك

تعتب علكلب جي ما رضه يهدك

واحد انته واغلط من اعدك ليش

واحسب من جديد واغلط بعدك

لان تحمل مزايه تكفي كل الناس

وتنكط ترافه الكبلك وبعدك

حب من طرف واحد وافتخر وياك

وشحدك تحبني وتعشك شحدك

مامخلوق اضنك تعشك اليهواك

ومخلوقين كلنه نحبك لوحدك...

منقول للامانه الادبيه






التوقيع :

[عاشق كاتالونيا]

الله الله شعر شعبي مذهل وفي قمة الامتياز
عاشت الايادي اخي الكريم
ونطمع بالمزيد من هذا الشعر
تقبل تحياتي ودمت بخير

[ام فيصل]

اذا هذا الخيال وما يهد يمناك

تعتب علكلب جي ما رضه يهدك

واحد انته واغلط من اعدك ليش

واحسب من جديد واغلط بعدك

يبن الوسط -- كل الشكر لهذا الأختيار الرائع

والنقل المميز -- تحياتي لك عزيزي ولكاتبها المبدع

[قلب المحيط]

عاشت ايدك ياابن الوسط على الكلمات الجميلة


مع خالص الود والاحترام تقبل مروري

[سلام الدراجي]

تحياتي الك ابن الوسط قصيده رائعه ونقل مميز

[سمير الكرماني]

شعر كلش كلش حلو وجميل و رائع
تقبل مروري

سالتني ما بالي ارى دمعك اسود وعهدي به احمر فيميلوا فقلت لها ان دمعي ودمي قد قضيا وهذا سواد المقلتين عليك يسيلوا ابن العراق

[محمد السوداني]

الله قصيدة رائعة وجميلة
عاشت الايادي اخويه العزيز ابن الوسط كلك ذوق

تقبل تحياتي يلغالي