موال أهلنه

[شاعر غرام]

شيبني ضيم الدهر آنه البعدني شاب
ولكلب قبل الشعر قاس ألهموم أوشاب
آنه الجنت شمعه أضوي أبدربهم شاب
لمن طفيت أنكروني أوصفو شمات
لو بيدي أسكي أشذبل منهم وباري أشمات
ضنيته يطلع ورد وربح ولو شمات
ما أدري خابط يظل ما ينفع بعدله شاب
___________
للشيب ماينفعه لغيار وجهي سره
شال ألشباب أوجفه وبليل ضعنه سره
ولشيب من وادعه مدري أشحجاله أوسره
أنوب ردلي أبزجر آنه أبمجانه حال
صرت أبلحيتك وقر وبحاجبينك حال
أبجي أعله روحك ولك مابعد مثلك حال
واليك وليت عدو ماطل عدوة أوسره
ــــــــــ
الخالدي

[ام فيصل]

الله الله يالخالدي
موال جميل عاشت ايدك عزيزي
كلمات ومعاني حلوة وكلها احساس
احسنت وصح لسانك عزيزي
بانتظار جديدك
دمت بخير

[عاشقة تيسير السفير]

ارقه واجمل موال وعاشت اديك يا اخي العزيز

[وردة بغداد]

موال جميل كلششششششششششششششش

[محمد السوداني]

للشيب ماينفعه لغيار وجهي سره
شال ألشباب أوجفه وبليل ضعنه سره
ولشيب من وادعه مدري أشحجاله أوسره
أنوب ردلي أبزجر آنه أبمجانه حال
صرت أبلحيتك وقر وبحاجبينك حال
أبجي أعله روحك ولك مابعد مثلك حال
واليك وليت عدو ماطل عدوة أوسره

الله الله مشط ابوذية رائع وجميل سلمت يداك يامبدع
بوركت اخي العزيز ننتظر منك المزيد

تقبل تحياتي وتقديري