جيت اشوفك

[ابو امير الياسري]

جيت اشوفك يافرح عمري الجديد -جيت اشوفك يالچنت كلش بعيد
جيت اشوفك عالصدر نايم يغالي
جيت اشوفك تضحك ابوجه الليالي
تدري ذاب ابحسرتي زبر الحديد -جيت اشوفك يافرح عمري الجديد
***********
من بعد طول الصبر صار النصيب
من بعد ماخاب گلبي من الحبيب
عادت اشموس الفرح بعد المغيب
ـــــــــــــــــــــــــــــــ عادت وضوّت نهار ايامي
ــــــــــــــــــــــــــــــ يابدر ليلي اليزور احلامي
ـــــــــــــــــــــــــــــ اِيدي بيدك ــــ دوم اريدك
ماأريد اگضي العمر بعدك وحيد -جيت اشوفك يافرح عمري الجديد
*****************
بيـّه شوگ وبيه نار من الحنين
بيه لهفه الشوفتك كبر السنين
بيه كل معنى الفرح وانه الحزين
ـــــــــــــــــــــــــ بيـّـه روح امعذبه ابكثر الامان
ـــــــــــــــــــــــــ عطشت الشاطي الوفه وشاطي الحنان
ـــــــــــــــــــــــــ يمته تروى - يمته تهوى
يمته حبك يفطم الطفل الوليد -جيت اشوفك يافرح عمري الجديد
******************************
كلمات من اغنيه كتبتها قبل فتره طويله اقول اغنيه وهذا لايعني اني اكتب الاغاني لكي تغنى فانا لست مع الغناء اطلاقا ولااسمح بغناء مااكتب وفي اغلب كتاباتي تجدون ملاحظه وهي (لايجوز شرعا التصرف بأشعاري دون الرجوع اليّ وموافقتي)هذا مافعلته في اغلب المنتديات التي انشر بها مع اني وجدت هنا قصيده لي نقلتها الاخت (احلام في الانتظار)ولكن لامانع لانها ذكرت منقول وهي قد قرأت تلك الملاحظه قبل النقل *شكرا لكم احبائي واعزائي جميعا

[اسدالعراقي]

شكرا اخي العزيز ابو امير الياسري الورد
على الكلمات الرائعة و المميزة
عاشت الايادي ياورد
كلمات مليئة بالاحساس الراقي والجميل
وتحياتي

[ابو امير الياسري]

الاخ اسد العراقي اشكرك على تلك الكلمات الطيبه واشكر لك هذا الحظور المبارك وموفق انشاءالله

[ام فيصل]

بيـّه شوگ وبيه نار من الحنين
بيه لهفه الشوفتك كبر السنين
بيه كل معنى الفرح وانه الحزين
ـــــــــــــــــــــــــ بيـّـه روح امعذبه ابكثر الامان
ـــــــــــــــــــــــــ عطشت الشاطي الوفه وشاطي الحنان
ـــــــــــــــــــــــــ يمته تروى - يمته تهوى
يمته حبك يفطم الطفل الوليد -جيت اشوفك يافرح عمري الجديد

ومـــا اجمـــل اللقـــاء بعــد كل هذا الحنيــن
ابو اميــر عزيزي
استرسالك رائع برقة احساسك والشجن
وتحمل بين جنبيك روحا حالمة
ومشاعر تفيض عشقا وهيام
راائع انت بحرفك -- بكلماتك -- بكل احساسك
لك شكري واكثر لهذا النزف الجميل

[ابو امير الياسري]

العزيزه ام فيصل
حظورك بين كلماتي يعني توقيع وبصمة ابهام بأن مااكتبه جيد ومقبول لانه يمر من خلالك وخاصة عندما تؤطريه بتلك الكلمات الطيبه والجميله فهنا تكون شهاده اعتز بها لكِ كل الشكر والتقدير والاحترام على وجودك الدائم بين كلماتي البسيطه