ابوذيات بيني وبين ابوي ماجد الشاعر

[أنثى شرقية]

يغم وكتي عله حبلك منشراني


بعتني بسوك غدرك منشراني


اذا صاج انت جفك منشراني


وحك ربك اكطعه العال بيه


~~~~~~~~~~~~~~~~~
كطع الي تريده ولاتهم له
واوصيك بودادي لاتهمله
طلع مظلوم كلبي ولاتهم له
واذا حبك تهم راضيهه ليه


النوايب بيه جمعتهن مشابيك


وعلّي نشابهن يردف مشابيك


جتّالك فضل سوه مشابيك


انه لوحدي رحت جنّاز بيه
رحت جناز وحدي وشيعتني
وشي يدفع بظهري شي يعتني
جثيره الناس كامت شايعتني
واشو حتى الشجر شحالي فيّه


~~~~~~~~~~~~~~~~


علي مبرد زمانك وشراكه


وانا البايع الوادم وشراكه


كلتلي نصير واحد وشراكه


النفس ماله انكطع نفسك عليه
نفس واحد نصير وريه وحده
وعلينه يصير شاهد ربي وحده
امس من سار ضعنه الحادي وحده
انكطع نفسي ولاظل صوت بيه


~~~~~~~~~~~~~~~


حرت ماكدّر العارف وشلباي


بسبب مجرى الدمع والدم وشلباي


صرت كلي جرح ينزف وشلباي


اشتبهت وخيطت جرحي عليه
تبين بيه حوبه والنشاره
وسوالف مانسولف وانه اشاره
نشر كلبي بعيونه والنشاره
دمهه ودمعي انخبطن سويه
~~~~~~~~~~~~~~~

طبعا الابوذيات الي كتبتهن منقوله للامانه وجاوب عليهن ابوي ماجد الشاعر
ارجو ان تنال رضاكم

[ابن الوسط]

يغم وكتي عله حبلك منشراني


بعتني بسوك غدرك منشراني


اذا صاج انت جفك منشراني


وحك ربك اكطعه العال بيه
تسلمين يااحلام على هل الابوذيات الرائعه
ويسلم الوالد الشاعر
تحياتي

[ام فيصل]

تحياتي لك وللشاعر المبدع ماجد
ابوذيات حلوة وحوار جميل
عاشت ايدج عزيزتي
وبانتظار حوار جديد ..............
تحياتي لك

[محمد السوداني]

محاورة رائعة لابل في قمة الروعة سلمت اناملك وصح السان الشاعرالمبدع ماجد الشاعر

لكم تحياتي وودي

[أنثى شرقية]

أشكركم من كل قلبي
علي هذا الحضور الدائم هنا
الذي يبث لي عطرا مميزا دائما
ويسعدني ويسر خاطري
مروركم هاهنا له ميزة
خاصة لدي وتواجدك
له وقع جميل هنا
فدائما كلماتكم وردودكم
تخجلني وتجعلني
أحتار ماأكتب في حقكم
وأكتفي دائما بالصمت
والشكر لكم علي
تواصلكم الدائم
لكم مني كل تقدير
وأحترام

[اسدالعراقي]

شكرا اختي العزيزة احلام في الانتظار الوردة
على الكلمات الجميلة و المميزة
عاشت الايادي ياوردة وايادي السيد الوالد المبدع
محاورة راقية ومميزة
وتحياتي

[أنثى شرقية]

أشكرك من كل قلبي
علي هذا الحضور الدائم هنا
الذي يبث لي عطرا مميزا دائما
ويسعدني ويسر خاطري