الدنيا

[بنت البصرة الفيحاء]

-.-.-الدنيا-.-.-
الدنيـــا بس ويـــاي شـَــدّت عداوه
ولا واحد إمن الناس لجروحـي داوه
الدنيـا للتهِـواه تِرقــــص إمفرعــــــه
وآنه تجيني إبمــوس وتقلّي إبلعـــه
الدنيا للتهــــواه ترقصـــله جــــــوبي
وآنه الفكَــر يا ناس شقّالي ثوبــــي
-.-.-سؤال ليس في محله-.-.-
لاتســأل إعله الحـال خلـّيهـــا سكتـــه
تسأل على المقتول والقــــاتل إنتــــــه
شحجي وتريد الناس من عندي أحجي
دمعتي إبطرف العين بـس أحجي أبجي
يسألني البطران حالــك إشلونـــــــــــه
الغاضب الله إعليه هم ينشدوونـــــــــه
-.-.-شماتة صديق-.-.-
ناقـــه إشكثر للغير درّن ثدايــــــــــــاي
تاليهـــا للقصّــاب ودّتـــــني دنيـــــــاي
ماهًمني القصّــــــاب من علّــق إجلاي
همني الصديق القال عيّـرلي من هاي
اتمنى ان الموضوع قد اعجبكم
ودمتمــ

[محمد السوداني]

شكراً لهذه الباقة الجميلة من الدارمي
سلمت اناملك اختاه / ارجو منك عند انزال اي موضوع ان تنزليه بالمكان المانسب له
الموضوع ينقل الى منتدى المخصص بالدارمي
تقبلي تحياتي وتقديري

[بنت البصرة الفيحاء]

شكرا استاذ محمد على هذا النصح والتنبيه تقبلوا اعتذاري

[محمد السوداني]

العفو....

وشكراً لكي اختي العزيزة بنت الفيحاء لتفهمك وردك الرائع
اهلاً وسهلاً بكي في المنتدى انار المنتدى تواجدك
ننتظر المزيد من مشاركاتك الجميلة
تقبلي تحياتي وتقديري

[ام فيصل]

الدنيـــا بس ويـــاي شـَــدّت عداوه
ولا واحد إمن الناس لجروحـي داوه
الدنيـا للتهِـواه تِرقــــص إمفرعــــــه
وآنه تجيني إبمــوس وتقلّي إبلعـــه
الدنيا للتهــــواه ترقصـــله جــــــوبي

دارميات رائعة / شكرا لك عزيزتي بنت الفيحاء
دام لنا هذا التميز والتواصل
دمتي بخير وخالص تحياتي لك

[سمير الكرماني]

ناقـــه إشكثر للغير درّن ثدايــــــــــــاي
تاليهـــا للقصّــاب ودّتـــــني دنيـــــــاي
ماهًمني القصّــــــاب من علّــق إجلاي
همني الصديق القال عيّـرلي من هاي
اتمنى ان الموضوع قد اعجبكم
ودمتمــ

[twfeek]

انتقاء حلو مثل تمر البصره ومالوم الغنه
(احيه واموت عالبصره)تحياتي وانتظر
منك المزيد



twfeek

[ابو علي الصكر]

الدنيا بس وياي شدت .......عداوه
وخلت المايسواش يحجي برهاوه

نخبه جميله من الدارمي والحسجه العراقيه الرائعه
ننتظر منك المزيد
مع ارق التحايا
صكر