يا أجمل بشر خالقك رب الكون

[قصة مطر]

مجنون أبمحبتك يا اعز إنسان
يا أجمل قصيدة و أحلى معزوفة

يا مالك خيالي و فكري يا معسول
اكتب بس إلك كل شعري و حروفه

قافيتي شفافك و الوزن رمشين
و عيونك بحور الشعر موصوفة

صوتك عدّة بالغبشة نغم فيروز
و ام كلثوم من قاموسي محذوفة

ألف ليلة عسل عشناها آني وياك
و الليلة إلّي ضلت اضن معروفة

نگضيهه حضن و نطابگ الشفتين
و نغني و نسولف أحلى سالوفة

يا كلشي بحياتي و يا فرح دنياي
يا من شلت من گليبي كل خوفه

ما أضنك تبيع و لا أبيعك يوم
اكو واحد يبيع گليبه و يعوفه

يالحسنك عجيب و ما اضن موجود
إذا تطلع نشوف الشمس مكسوفة

و خطية الگمر يبچي و يون تالي الليل
حدر الغيم يختل صابته الخوفة

يالحسنك ينوّر كل ظلام الكون
إذا قرص الشمس مكسوف ذليته

و گمر ليل المحبّة بشوفتك مقهور
إذا حتى الگمر بالليل بچيته

و گلوب الشباب تفرفح امن تفوت
و الشايب بعطرك اضن شليته

و نسوان ألتشوفك منك يغارون
و ألبعده مراهق نظرة أمنيته

و الطفل إلّي يرضع بعده بالكاروك
ضل يمشي وراك و يحچي خليته

و إذا شرطي طلب مني هويتي بيوم
أبرز صورتك تشتعل بيبيته

يفتحلي الطريق بصورتك مبهور
إجلالاً يدنگ و يذب بيريته

جنسيتي محبتك تدري كلش زين
شنو قيمة ليضيّع يوم جنسيته

حبك غيراني و صرت أموت عليك
شتلت گليبك بنص گلبي و سگيته

و الدم إلّي يسري بجسمي ما أحس بيه
دمك يسري بالشريان حسيته

انت العلمتني العشگ و الإحساس
فضلك عالگلب لن يدگ خليته

علّمته البراءة و طفل صار وياك
يمشي و ما يريد ايرد على بيته

فرحان و اجالك تدري يوم العيد
رايد بوسه منك هايه عيديته

يا أجمل بشر خالقك رب الكون
يا أطيب گلب بالصدفة لاگيته

يا أوفى البشر يا حلمي يا دنياي
يا أول شخص من گلبي حبيته

دوّرت شكثر ما شفت مثل شفاك
علاج و كل مرض من بستك نسيته

شلت كل المواجع من گلب تعبان
بيدك جرح لبدلّالي داويته

يا اسمي الثلاثي و گمر تالي الليل
رسمك بالگلب و بدمي خطّيته

يا قوس و قزح يا مثل للعشاگ
يعشگ گلبي حد الشيب وصيته

فرض سادس أشوفك صار تالي الليل
نسيت الخمسة و السادس أنا أديته

صدّگني احبك حد گطع لأنفاس
لأنك انت حلمي إلّي تمنيته

تمنيتك گبل ما أشوفك امن سنين
حبك بالگلب من زغري ربيته

ما أضيعك من ايدي و لا أفرّط بيك
إلا بحالة گلبي يعوف جنسيته

إذا يلفي عليّة بليلة ملك الموت
اعذر گلبي لمن توصل منيته

وسلامتكم

مما راق لي

[محتاره]

ها أنا أتوقف على شاطئك الجميل

أجالس الليل في حضرة القمر

أسامر الورود النائمة

بعد ابحار بين حروفكِ وكلماتك الرائعة

فتحياتي المتواضعة لحرفك وقلمك

[احمد النونو]

الله
ما شاء الله
ربى يسعد ايامك
سيدتى
بارك الله بك على روعة وجمال اختيارك
تحياتى واحتراماتى

[اسدالعراقي]

شكرا اختي العزيزة قصة مطر الوردة
على الكلمات الجميلة و المميزة
دائما مميزة في اختيارتك
عاشت الايادي ياوردة
وتحياتي

[ام فيصل]

قصيدة غزل رائعة بكلماتها ومعانيها
دام لنا فيض قلمك وهذا التميز والإختيارات الجميلة
تحياتي لك قصة مطر -- ودمتي بحفظ الله

[الشاعر ماجد الدعمي]

قصة مطر
شكرا للقصيده الجميله
والاختيار الموفق
كما عهدناك مميزه
في ما تختارين
تحياااتي

[قصة مطر]

حضور مميز يسعدني

وحروفي تتباهى بمرور اقلامكم

ماذا أكتب إليكم بردي

مهما كتبت لكم من عبارات الشكر لن توفيكم حقكم

مهما كتبت لكم من عبارات الثناء لن تستطيع

منافسه ترجمه اقلامكم الذي أضاءت حروفه هنا

الأبداع و الذوق تعلمته منكم ومن كلماتكم
لا أعلم هل تستطيع الكلمات أن تسعفني لكي أجد رد يليق بكم

مرور يرسم الفرح بين كلماتي

مرور يشع نوره برقي تواجدكم

عطرتم صفحتي وأضفتم لها بريقا فريدا
تحياتي لكم