اخويه العزيز النورس
المشكله الي طرحته فعلا مشكله صعبه الله يساعد اطرافه
الزوج والزوجه والفتاة
واني بتصوري افضل حل ممكن يسوي صديقك انو يتقدم لخطبة هذه الفتاة لان
اولا مثل متفضلت هو كثير متعلق بيه واذا ما خطه هاي الخطوه راح يظل نادم طول عمره
وابو المثل يقول(كل ممنوع مرغوب) فأذا منعته عنها راح يزيد تعلقه بيه

ثانيا حضرتك تفضلت وكلت انو الزوجه تعرف ومستعده توقف معه حتى يتم ارتباط الزوج مع اخرى رغم انو هذا اصعب قرار بحياة اي زوجه

ثالثا الفتاة مثل ما تفضلت هيه ايضا متعلقه بيه فأكيد راح تقنع امه على الاقل
وبتصوري الاهل حاليا يهمهم كثير رأي اي فتاة ومسألت الغصب قلت جدا بهاي الايام
واتصور مع تعهدصديقك امام اهل الفتاة بأنو يسوي كل الي يطلبوا ووجود الزوجه حتى تأكد هذا الشي راح يسهل كثير
واذا بعد كل هذا والاهل مقبلوا
فأتصور وقته لازم تنصحه بالرضى بالقسمه والنصيب وانو يوكل امره لربه

اتمنى اكون رأي قد فاد بشي
واسفه اذا طولت عليك
تحياتي لك