دارميات

[عاشق كاتالونيا]

عندي من اشوفك عيد وانساهه الاحزان *** هموم العلي تنزاح لو جانت اطنان

تدري الله ينطي الجوز للفاقد سنون *** اعمى والليه انطاك صرت انته العيون

عيداليمر علناس ويمرني عاشور *** وشلون اعرفه العيد وانتم بالگبور

گاظيه بالترميش عاصره كلش *** حتى بصباح العيد بعدك ترمش

تعايدت كله الناس صبي ويزدي *** بس انته وين الگاك موش انته عيدي

هوه الهوى الموصوف ما اريد اشم شي***هوه الحيا والموت وك هوه كلشي

زين انته عنه بعيد تسلاه الگلوب ***بس اناباب اباب ولدمي مطلوب

يا دار ابوي ودار كل ذوله الاحفاد***عالي ويظل للدوم صوتج يبغداد

لا ما نطخ الراس وبجفنه نجبر***وكل الشعب دفان لامريكا يحفر

شنهي الصلافه البيك شنهلوكاحه***گاضيهه بالظحكات وانا بمناحه

لا وحگ داحي الباب لاما اردلك***عينك تصد للغير هم بعد اصدلك

جارت علي دنياك والدهر ذبني***جاوبني مره اشبيك حت لو تسبني

قفلت عليك الروح ما تهوه غيرك***ارحمهه يبن الناس حرك ضميرك

كلك وفه واخلاص كلك مشاعر***من كثر طيب البيك خلتني شاعر

اشعر واظل للدوم شاعر عراقي***اسم الوطن والله خلاني راقي

مع حبـــــي

[ام فيصل]

يا دار ابوي ودار كل ذوله الاحفاد***عالي ويظل للدوم صوتج يبغداد

لا ما نطخ الراس وبجفنه نجبر***وكل الشعب دفان لامريكا يحفر

منور عزيزي
افتقدنا هذا الإبداع منذ وقت
دارميات رائعة ياكاتالوني
واسعدتني عودتك لتننثر الجمال هنا
كل الشكر لك ولاحرمنا حضورك
تحياتي

[محمد السوداني]

الله الله باقة رائعة من الدارمي العراقي الاصيل عاشت الايادي اخي العزيز عاشق المبدع
ننتظر منك المزيد
تقبل تحياتي وتقديري

[عاشق كاتالونيا]

اختي الفاضله ام فيصل

انرتي موضوعي المتواضع بكلماتك الجميله
والرائعه

تحياتي لكي اختي العزيزه
ودمتي لنا اختا كريمه
مـع حبـــي

[عاشق كاتالونيا]

حبيبي الغالي ابو جاسم الــ

منور حبي بردك الجميل
تحياتي الحضرتك يا طيب

ودمت بألف ألف خيــر

مع حبي

[هاشم نجم]

كلك وفه واخلاص كلك مشاعر***من كثر طيب البيك خلتني شاعر

اشعر واظل للدوم شاعر عراقي***اسم الوطن والله خلاني راقي

دارميات رائعه كصاحبها
افتقدناك منذ زمن طويل
لك تحياتي وحبي

[همس الغروب]

دارمـــــيات جميلة
تسلم الايادي عاشق

تحياتي

[ابن الوسط]

احسنت وصح السانك ياعاشق كاتلونيا

باقه رائعه ننتضر المزيد من الابداع
تقبل مروري
تحياتي