من يوم حبك تره ناري اصبحت لاهبه
والصبر بيه التهه وانه اصبحت لاهبه
لاخير منك بدر لاشكر لي لاهبه
رب الحسن بس الك كل الحسن موهبه
وذوق تئليف الشعر عندي صبح موهبه
كالولي من محبوبتك صحت وكلت مو هبه
ضحكو وردو علي كالو جذب لاهبه


يا صـاح انا اخـوك لو جـار الـدهـر صـاحبك
سـكـران بـمـودتـك مـا يـوم انــــــا صـاحـبك
أنهظم لو اشوف غيري من الخلق صـاحبك
عـنـدك دقـايـق قـشـر تـمـرد قليبي مــــــــرد
وكـم عـاذلـن لامـنـي وانا لعـذولـي مـــــــرد
وانـت الـعـرفـتـك يـا كـريــــــــــم و مـــــــرد
لـكـن ألـف يـا حـيـف ما تعرف قـدر صاحبك

يا يمة الايام كطعن كلبي وصل
وخلني مثل الحبل بنشر عليه وصل
لا خبر منهم اجية ولا مكتوب منهم وصل
وبجيتك يا حلو ترد اللي روحي
وياروحي مالج بخت عوفيني يا روحي
لتصيح بسمي بعد ولتكول يا روحي
منتظر غيرك انا ها هو يمكن وصل

ياصاح ماظل حلو بس مر
0ضوكنة طعم الصبر وان الصبر بس مر
عيوني شتهت شوفتك يامنيتي بس مر...
روحي بفركتك مايوم الفرح مرها
0ولهانة في حبكم والشوك مرمرها
0الدنيا حلاها حلو بس الظيم مرمرها
0ياحبيبي لو سيرت بديارنا بس مر

يل ماخذ الروح خذهه بلا ذنب حالي
بس لا تمر بالگلب حيث انته بيه حالي
بيني وبينك عهد راعي العدل حالي
مظلم عليه الوكت وبظلمته حالك
جاوبتني بالظلم منهو العلي حالك
اللي عجب صحتك متغيره وحالك
انته مرضت صحتي وانته تلفت حالي


مانمت انه الليل من هم العليه وارق
جلمود كلبه صخر ما حن عليه ورق
انسليت صرت برفع خيط البريسم وارق
اتمنى طيفه يمر حتى بطيافه بخل
وعملاته وياي مو عملات خل بخل
حنظل من ايده صفه زادي ويخلطه بخل
بعضاي نار اوجرت واعضاي شبه الورق



الف وســـــــــــــــــفة الانيقة تنظلم ......... بغداد
سلام الله على باب الحوائج اســــد ........ بغداد
بالارض جنة وروعة سمــــــــــــــــــا ......... بغداد
الشر غير لونهه من بيضة الرمادي
نار الغــــــــــــــــــدر تطفى وتصبح ........... رمادي
خلي منطقك ابيض دوم وتحاشـــة ........ الرمادي
حي الله اهل الكرم والــــــجود اهل ........ الرمادي
بالغيرة جبل عالي وضميرهم مايوم جف
وحگ الواســـــــــــــــــــع بسمعه و ........ بصره
وعدوي لو نظرني بشــر ماخوفني .......... بصرة
بصري انه ولحد المــــوت اعشگ .......... البصرة
تواصلني بأصالتهه وبهواها موصل
سليكون بهواكم لاني عــازل لاني ......... موصل
رحمة الله عالما گطع رحـمه ودوم ......... موصل
هايم بأرض نبي الله يونس الشگرة ........ موصل
لو ما هي ما حلت بعيوني بغداد
نشف ريجي وشما ارتوي رد انوب ............. وجف

مااشبع من زيارة علي وحب اهل .......ـ.... النجف
گلبي سمچة وتايهه ابـــــــــــــــحر .......... النجف
يأرض المذهب الشيعي ومنبع الدين
شما توفي تضــــل مطــلوب للجبار ............. دين
اليواسيك بدمعته ترى حـتى الدمعة ........... ديـن
اخذ عروبة وحـــــــــــلم من صلاح ............. الدين
اهل چلمة وبيـــــــــــــــــهم الوفى حله
حبيبي مرافگ الزغـــــــــران وترك .............. حله
بالك تحرم شــــي الله بجلاله امر .............. حله
يالتسئل عالـــــــــحلو ترى الحلو ............... الحلة
شافت ضيم وقهر وفوگ القهر بله
گلبك لا يجــــــــــــــف وبرقتك دوم .............. بله
وهل دمعة عالـــــــــــــــجره برض ............ كربله هنا ساكن
اسودت بوجه الحسين ونجمعت كرب.......... وبله
لامامي مابطل زيارته ومد ايدي اله
المدي ايده ما ستنكف من مد ............ ايدي اله
ونطي وجه ريان مثل برتقال ............. ديـــــــالى
ثلث الطگ للـــــوطن وثلثين ............ لديالــــــــى
صرح هي بداخلي ومبنية عمارة
قيمة البشر مو فلوس وسـيارة ............ وعمارة
البشر للموت يمشي شما طالت .......... عمارة
مدرسة غيرة وزلــــــــــــــم ارض .......... العمارة
للحگ فزعو فرد فزعة وكلهم ناصرينة
ثلة ارجــــــــــال سبعين لحسين ......... ناصرينه
اما من نـــــــــــــــــــــــاصر وقلة .......... ناصرينه
بالرجال مجربة كـــــــــــــــــدهه ......... الناصرية
اخلاقها بالعرف مضيف وديوانية
ضيفي اله عيــــــــــوني وصدري .......... ديوانية
بالشعر اسولفله شـــــعر ونظلمه .......... ديوان
يالگاصد ارض الــــــــــــعاصمة مر........ بالديوانية
تلگاها ابية نفس هي مثل كركوك
جميلة مكـــــــــــــــــــحلة بالنفط ........... كركوك
وعيون الطــــــــــمع كلهه على ............ كركوك
العرب گالت الي والكرد تتمــنى ............. كركوك
تندرج لقليمهم وتصبح مثل اربيل
حر البصــــــــــــرة ما ينحمل ومعتدلة.......... اربيل
طبيعة وبالشـــــــــــــــــــــــــكل اوربا ......... اربيل
اريد انشدكم ياعرب هم عدكم نفس ......... اربيل
عروس الوطن ومكمل حسنهه السليمانية
مغرورة بحلاوتهه حگـــــــــــــــــــــها ...... السليمانية
اتفك الصدربسحرها وجبلــــــــــــــهه ..... السليمانية
جمال وحسن منــــــــــــــــــظر اهل ...... السليمانية
بس لو تصعد للثريا ما تلحگ البصرة


مارحتي هذا الكلب بوصال مره انتي
ومرنتي كلبي على الهجران مرنتيه
ردنه تمرين مره بشوك مره انتي
ما ردنه منك ذهب بس شوف وجهج بس
وشحيتي بمواصلج ليما هرشنه يبس
حلوه وشبيه الكمر وخدود تسحر بس
مره انتي رغم الحلات البيج مره انتي


جرب وظوك المكر بصحونهن مره
اتوب وبعد ما تمر لديارهن مره
بيهن دهاء شكثر ادها من اخو مره
وبيهن نجايد مثل خيل التبك برهان
وبيهن اتعاند يلو تلكه الف برهان
ماحاجه تسال ولا تحتار يا برهان
حلوه حلاوت شكل بس بالطبع مره


مارحتي هذا الكلب بوصال مره انتي
ومرنتي كلبي على الهجران مرنتيه
ردنه تمرين مره بشوك مره انتي
ما ردنه منك ذهب بس شوف وجهج بس
وشحيتي بمواصلج ليما هرشنه يبس
حلوه وشبيه الكمر وخدود تسحر بس
مره انتي رغم الحلات البيج مره انتي


اسل سيفي لوكات الضيج واحد
واحط ثايه لطراف الصبر واحد
وحك الي تعرفه الناس واحد
النوايب ما لونلي ذراع واثنين
ولا شكرن طويل ضناي واثنين
لون واحد الجرح البيك واثنين
دليلي بكل وكت يصرخ ثلاثه
بخميسه وجمعته وسبته وثلاثه
اثنين اعيوني ما صارن ثلاثه:):)
لان افديك من تنقاس بربع
عزيز وذكري الك بالكلب بربع
جمال الناس لو ينقاس بربع
ثلت ارباع ومن الربع خمسه
الك يامن جمالك صاغ خمسه
وحك اليرفع باليوم خمسه
جروحي جاوز جروفه وسته
رغم صبري بمعلمته وسته
سنين ثمانيه وسبعه وسته
بغرامه مفرهد كليبي وسبعه
وبكه بعمري سنين اثنين سبعه
عرفنه ايام كل اسبوع سبعه
تضن بالكون شفنه اسبوع بثمان
وتضن دم الجفن ينباع بثمان
ثمنتك بروحي وشفت بثمان
لان انت بلهيب الشوك تسعه
وجروحي من الزغروياي تسعه
زلم كلنه ترانه ولد تسعه
ولا واحد ملك بالكون عشره
ورخيص الي يبيع برخص عشره
حسن يوسف اله مقياس عشره
وجمالك تسعه منه وتسع ميه

مو ذاك حبــــــــــــــك الي والشوكَ جنه برد
مرسال دزيته الك مافرحتـــــــــــــــــني برد
السيف الهجر ياترف مـــــــن حشماك وبرد
حبيتك وغيبتك للـــــــــــــــــروح ظلت تسل
ماصدكَ واعتقد سيفك ابوجهـــــــــي تسل
تجذب اظنوني اشوكت لمن تجيني وتسل
واليوم مرت سنه والحال نفـــــــــــس الحال
ياهو العي ّ غيرك بينك وبينــــــــــي اشحال
حاجيت روحي ابحزن من جــــرح بعدك حال
كلتلهه راح اولف مسكيـــــــــــــنه كالت برد


ياليل ارد انشدك.. مامش وراك انهار؟؟؟
مو حته صبري خلص وكل ما بنيته انهار
معقوله اموتن عطش ..وانه بنص انهار؟؟
ياليل كافي بعد زهرت شبابي كضت
واهل الهوى بظلمتك حاجات بيها كضت
يا ليل امطر عليَ بشتاك انه .. كضت ( الصيف)
يا عيوني هلي دمع خلي الدموع انهار


يا صاح انا وصيك باهل المكارم جلب
و فكر لها و صير بكلوب النوايب جلب
الناس ماهم سوى بيهم شريف وجلب
و بيهم تحسبه و تنسبه وللشرف ينساب
و بيهم شبيه الأفاعي لو لدغ ينساب
وان كان سبك نذل ماله عرض ينساب
و ان كان عضك جلب قابل تعضلك جلب

أيام بعد عكلي بيه العجب عامله
وبالشوك عايش تره صار الكلب عام اله
والصبر أصبح عمل وانه أصبحت عامله
صابر واتاني الفرج واتنطر الطالع
دقره كتاب الحزن بكليبي و طالع
بس دمع البداخله ومنه الفرح طالع
ومنشار همي يحز بكليبي و ينشره
عاجل اريدن شخص هذا الخبر ينشره
دلوني رايد فرح وين الفرح ينشره
رايد حبيبي انه ومشتاكله و هاوي
وهوايتي محبته والعشكه انه هاوي
وبدونه جن منكسر جنحي وطحت هاوي
بس لازم اني اكصده حتى ارجعن بالسما
لن عزمي ما قل ابد من فركته بل سمى
جيتك حبيبي بلطف يا للجرح بلسمه
واللي يجيك بلطف هم بلطف عامله


بشفايف حبيبي عسل ماورد نحله
وعيونه وسيعه من الوسع نحله
عمي مو حلوين وبملكاك نحله
شهد يا ناس ماينوصف شهده
اهده تصيح الناس شهده
ما نمت عليه اليل شهده
مساهر وعيوني من السهر نحل


جسني الطبيب وصفك بيده ون وصفر
وجسمي تغير يخي وبالعجل وجهي صفر
فولاذ كتله الكلب كلي اكليبك صفر
كلت للطبيب المرض ارجوك الي اوصفه
كلي كليبك صفر مايوم دمه صفه
كتله الصبر سلوتي والصبر احسن صفه
ياحيف من الاف صحباني طلعوا صفر


گلبي بجفاهم تلف ونعاب ماتصبح
صحراء ليل وغرب وشموس ماتصبح
ياگلب ظل بحزن للموت ماتصبح
شهيد انت الولف شوخان شاوني
راح ونساني ولابجفا شاوني
جابو طبيب وبجا وبسكوت شاوني
اسكت وخلها اذا امسيت ماتصبح


من ضيم حمل الوكت واحدنا عوده افترك

وصلت ترك دفته وحتى الترك دفته رك

ياصاح يمته الفرح حتى اليدك دف ترك

والجوع طوه الجلد واعلى العظم سيطره

وابن آدم اعلى النفس ما عنده كل سيطره

واشلون عشنه ابلد ابكل شبر بيه سيطره

ومنين ماتلتفت ايدك على دفترك


جمار حبك علي لا مو سعف كربلا

ويزيح ضيم الكلب كل ما حوت كربلا

ابنك دعوه الكفر لا ما خضع كربلا

مو حكنه لمن نجي وكفه ابحضرتك نجف

وادموعنا اتهافتت هيهات لا ما نجف

والله لو ينكطع خط كربلا ونجف

بالكلب خط ينطبع يهتف نجف كربلا



والختام بمحافظتي الحبيبه كربلاء