اولا شكرا على الموضوع والفكرة المميزة
عزيزتي
احنه النساء موجودين بكل مكان واذا البنيه هيه رادت تصير مدرسة فأكيد اكو اسباب اما هي معدلها مو كلش زين بحيث متكدر تدخل غير هذا الاختصاص
او انو اساسا هي فعلا تحب هذي المهنه
بعدين عيوني هيه بالنسبه لهواية ناس امنيه
ومن علمني حرفا ملكني عبدا
وبيها اجر انشاء الله بالذات اذا المدرسة ساعدت الطلاب وتعاملت مع المهنة بكل شفافية وضمير
ونرجع لموضوعج يا غاليه يعني انتي يا عيوني اذا اتشطرتي شوية ماشاء الله وطلعتي معدل زين انشاء الله تتأهلين لاحسن الدراسات والمهن
وحته الاهل يفتخرون من يشوفون بنتهم طلعت معدل يرفع الراس وتريد تكمل دراستها وتشتغل
والعقليه عيوني تغيرت هوايه عن قبل
عذرا طولت بالحجي سامحوني
اتمنالج ولكل بناتنا وشبابنا كل التوفيق
الله ينور دربكم وعقولكم يا رب